Accessibility links

якшәмбе, 11 декабрь 2016, Казан вакыты 13:05

“İdel-press” näşriätenä 35 yıl


Russiädä yaña yıl kanikulları däwam itä. Küp kenä oyışmalar, zavod fabrikalar yal itkändä, İdel buyında iñ abruylılardan sanalğan “İdel-Press” näşriäte eştän tuqtamıy, här kön millionlağan tiraj belän gäcitlär çığara. Bügen näşer itü ölkäsendä zur konkurensiä buluğa qaramastan, “İdel-Press”soñğı yıllarda citeşterü äylänmäsen 5 märtäbägä arttırğan. Uzğan yıl näşriät barlığı 322миллион sumğa tawar citeştergän. Soñğı aylar “İdel-Press”lılar öçen ayıruçı qatlawlı häm cawaplı buldı, çönki alar zurlap üzeneñ 35 yıllıq yubileen bilgeläp ütte.

Bügen näşriät tatar, rus, çuaş, ingliz, nemes, fransuz törle tellärdä ädäbi kitaplar çığara. Bıyıl “İdel Press” tarafınnan 7 million kitap bastırılğan. Zakazlar Rusiäneñ törle regionınnan, şul isäptän Mäskäwdän dä bula. Äle berniçä yıl elek, “İdel Press” ber smenağa, eşläp, zakazlar da ällä ni küp bulmasa, bügen ul Rusiäneñ tanılğan näşriätlәrе belän ber däräcädä tora, di İslam Äxmätcanov.

Nigezdä Mäskäw näşriätläre belän eşlibez,ni öçen digändä, çönki alarnıñ zakazları,portfel''ları bayıraq, tirajları sallıraq. Weçe digän näşriät belän dä, Belıy gorod näşriät belän dä,Vladov, İnfraen, Yurayd,Sofiä digän näşriät belän dä. Alar barısı da Mäskäwneñ kürenekle, küz uñındağı näşriätları. Xäzer inde Qazan alar belän bil alışa ala. Min sanap ütkän näşriätlär qazannı kubraq kürälär.

Näşer itü bazarında konkurentsiä köräşen alıp baru öçen, texnik baza köçle bulırğa tieş. Soñğı öç yılda näşriättä ike zur bitle basuçı maşina zamançaraq texnikağa almaştırılğan, Spedmaster digän basuçı maşina alınğan. Bu texnik yañarunıñ ber öleşe genä. Fikerne İslam Äxmätcanov däwam itä.

Bügengese köndä här tipografiäneñ devizı: iñ qısqa sroklarda qabul itelerlek bäyälär belän häm yaxşı sıyfat. Yaxşı sıyfatnı çükeç belän sandalda ğına yasap bulmıy. Bu küz uñında tora torğan närsä,aña bez iğtibarnı elegräk tä yunälttek,bügen dä yunältäbez.Maşina parkı yañara,min inde alarnıñ isemnären atap tormıym. Şunıñ arqasında ğına bez üzebezneñ köndäşlärebez, kollegalarıbız belän nıqlap tartışa alabız.

Bilgele, qayber ğәzitlәr, “İdel Press” näşriäte bäyälären qimmätsenep, başqa şähärlärdäge keçeräk näşriätlärdä bastırılalar. Aqça yağınnan otışlı bulsa da, sıyfat yağınnan älbättä alarnı “İdel Press” belän çağıştırırlıq tügel.

Härber oyışmanıñ iñ zur baylığı anıñ eşçeläre. Bügen İdel Pressta 700гә yaqın yuğarı kvalifikatsiäle belgeç eşli. Älbättä eşçe personalğa kilgändä, xezmät xaqı turında da äytergä kiräkter. Ağımdağı yılda urtaça xezmät xaqınıñ küläme 11 meñ sumğa xätle kütärelde. Monnan tış oyışma üzeneñ xezmätkärlärenä, toraq, sälämätlek, yal itü ölkäsendä härdaim yärdäm kürsätergä tırışa.

Näşer itü ölkäsendä iñ zur problemalarnıñ berse – kadrlar mäsәläse. İslam Äxmätcanov äytüençä elegräk alar xezmätkärlären, Mäskäw, Samara, Omsk şähärlärenä cibärep uqıtqannar. Mondıy uqıtunıñ caysız bulu säbäple, monnan berniçä yıl elek “İdel-Press”lılar Qazan däwlät texnologiä universitetına “Näşer itü texnologiäse” bülegen kertergä digän täqdim yasağannar ide. Älege täqdim qabul itelde. Kiläse yılğa İdel-Press näşriät berençe çığarılış belgeçlären eşkä kötä.

Ğadel Galämetdinov

XS
SM
MD
LG