Accessibility links

сишәмбе, 6 декабрь 2016, Казан вакыты 17:12

Dönya matbuğatı Säddam Xösäyenne üterü turında<br><br><a href=" http://rfe.rferl.org/photogallery/saddamlife_tatar.html"><img alt="saddam-banner.gif" src=" http://rfe.azatliq.org/images/saddam-banner.gif" /></a>


Ğiraqnıñ elekke prezidentı Säddam Xösäinneñ asıp üterelüen röxsätsez videoğa töşerep kiñ cämäğätçelekkä çığarıluın tikşerü eşe bara. Premyer ministr Nuri äl-Mäliki monıñ öçen kem cawaplı buluın açıqlarğa quştı. Ämma bu videosürätlär häm andağı tawışlar inde Ğiraqtağı şığıylar belän sönnilär arasındağı utqa may sipkändäy täesir itte. Säddamnı cäzalaw dönya matbuğatında da iğtibar üzägendä.

İnternational Heral Tribune Säddam Xösäinneñ asıp ütereleüen bar dönyağa kürsätkän yäşeren video mäzhäbara qan üçe yarsuınıñ Ğiraqlılar añına ni qädär tirän ütep kergänlegen açıp saldı dip yaza.

Ul videoda Säddamnı üterer aldınnan suğışçan şığıylar citäkçese Moqtada äs-Sadr isemen qat-qat qıçqırğan tawışlar işetelä.

Sadr tarafdarları cäzalaw bülmäsendä üzläreneñ yämsez teläklären tıya almawların kürsätep kenä qalmadı, sönni suğışçılarnıñ Säddamnı xökem itü ğädel xökem tügel ide, mäzhäbara üç alu ide digän süzlären dä axmaqlarça rasladı dip yaza İnternational Herald Tribune.

İrish Times Säddamnıñ zalimnän şähitkä äwerelüe turında mäqälä bastırğan. Ul mäqälädä İtaliä, Rusiä häm Fransiäneñ soñğı patşaların 1860-nçı yıllardağı häm 1960-nçı yıllardağı AQŞ prezidentların iskä töşerü soralğanda küpçelek Nikolay II, Lincoln häm John Kennedinı ğına xäterli dielä.

Alğa taba Nikolay II, Lincoln häm Kennedi arasında nindi urtaqlıq bar, häm bez nigä alarnı xäterlibez digän soraw quyıla. Cawabı alarnıñ üterelgän buluı dielä.

Xakimiättän töşerelgän citäkçene üterü, anıñ nindi genä cinayät qılğan buluına qaramastan, anıñ ülemen şähitlekkä äwerelderä dip yaza İrish Times.

Oxford Universitetı professorı, evolutsiäne öyränüçe biolog Richard Dawkins Los Angeles Times basmasına yazğan mäqäläsendä Xösäinneñ añı tarixi, säyäsi häm psixologik tikşerenülär öçen üzençälekle çığanaq bula alır ide, ämma bu mömkinlek ğalimnär öçen inde mäñgegä yuğaldı di.

Dawkins Säddamnı qalğan ğömere buyı törmädä totarğa kiräk ide, ämma anı üterü cawapsızlıq buldı di. Anıñ fikerençä, Säddam İran-Ğiraq suğışın, Küwäytkä bärep kerüne häm annan soñ başlanğan çikläwlärne öyränüçe tarixçılarğa almaştırğısız yardäm kürsätä alğan bulır ide. Amerika xökümäteneñ 1980 yıllarda Säddamnı därtlänep qorallandıruı turında üzençälekle yäşeren dälil xäzer darğa asıp üterelde dip yaza biologiä ğalime Dawkins.
XS
SM
MD
LG