Accessibility links

пәнҗешәмбе, 8 декабрь 2016, Казан вакыты 23:09

Başqortstanda qorbanlıq itlärne öläştelär


Başqortstan pravoslavları üzläreneñ Raştua bäyrämen bilgelärgä äzerlänsä, respublika möselmannarı öçen haman da Qorban ğäyete bäyräme qaytawazı däwam itä. 5 ğinwar könne ber atna elek qorban çalunı oyıştırğan barlıq mäçetlärdä din qärdäşlär öçen tağın da ber bäyräm bulıp aldı. Alarda comğa namazın bergäläp uqığannan soñ, qorbanlıq itlärne öläşü oyıştırıldı.

Şundıy tantanalı çara, här yıldağıça, Ufadağı kiñ bilgele “İxlas” mäçetendä dä bulıp ütte. Biredä irtänge yaqta uq distälärçä din qärdäşlär kilä başlağan ide. Comğa namazına inde alar yözlärçä bulıp kitte. Töşke ğibädätlärgä qädär bez mäçetneñ imam-xatibı Möxämmät xäzrät Ğalläm belän äñgämä qorıp aldıq.

“Bıyılğı Qorban bäyräm ayıruça zurlap bilgelände, - di ul. – Din qärdäşlärebez çaldırğan mallarnıñ itlären moxtaclarğa, yätimnärgä öläşüne dä matur bäyräm sıyfatında oyıştırırğa buldıq”.

XS
SM
MD
LG