Accessibility links

дүшәмбе, 5 декабрь 2016, Казан вакыты 23:55

Bush McConnell belän Negropontenı yaña wazıyfalarğa quya


AQŞ prezidentı George Bush xezmättän kitkän vitse admiral Michael McConnellnı Däwlät Küzläw Xezmätläre Mödire wazıyfasına täqdim itte. Moñarçı ul wazıyfanı bilägän John Negropontenı Bush däwlät sekretare urınbasarı itep quyarğa buldı. Bush bu üzgäreşlär Ğiraqta häm terrorğa qarşı suğışta xälitkeç waqıtta başqarıla dide. Hönäre belän diplomat bulğan Negroponte 2001-neñ 11-nçe sintäberendäge terror höcümnärennän soñ buldırılğan Däwlät Küzläw Xezmätläre Mödire wazıyfasına berençe bulıp bilgelängän ide. Xäzer ul Däwlät sekretare Condoleezza Rice citäkçelegendä 2-nçe urındağı wazıyfağa quyıla. "John Negropontenıñ kiñ täcribäse, açıq fikere, Ğiraqnı häm terrorğa qarşı suğışnı yaxşı belüe anı iñ yaxşı däwlät sekretare urınbasarı itä. Min anıñ belän bu yaña wazıyfasında bergä eşlärgä telim" dide Bush. McConnellğa kilgändä, Bush anı Däwlät küzläw xezmätläre mödire öçen zarur bulğan täcribäle, aqıllı häm uñışlı citäkçe dip atadı. İke wazıyfağa da prezident täqdim itkän namzätlärneñ AQŞ senatında raslanuı zarur.

XS
SM
MD
LG