Comğa könne Bush xezmättän kitkän vitse admiral Mike McConnellnı Küzläw Xezmätläre mödire itep täqdim itkän ide. Bu wazifada eşlägän John Negroponte däwlät sekretare urınbasarı bulaçaq.
Xärbi citäkçelektäge başqa möhim üzgäreşlär turında Aq Yort süzçese Tony Snow xäbär itte:
"Moña östäp Pentagon Saqlanu ministrı Robert Gatesnıñ berniçä täqdimen iğlan itte: general George Casey ştab başlığı itep kütärelä; general George Petraeus Ğiraqtağı ğäskär başlığı, admiral William Fallon Üzäk citäkçelek başlığı itep bilgelänä. Bu wazifadağı general John Abizaild yalğa kitä. Bu täqdimnärne prezident qabul itte" di aq Yort süzçese.
Tony Snow bu üzgärşelärne ber yaqtan taktika üzgärü, ikençe yaqtan qayber citäkçelärneñ yalğa çığu waqıtı citü belän añlattı.
Küptän tügel Pentagon başlığı Donald Rumsfeldnıñ kitüe, anıñ urınına Robert Gatesnıñ kilüe dä Ğiraq belän Äfğanstanda xärbi taktikanıñ üzgärüenä işarä itkän ide.
Kiläse atnada prezident Bush Ğiraqtağı yaña strategiäsen iğlan iter dip kötelä. Bağdadtağı köç qullanularnı bastıru öçen anda östämä ğäskär ciäreler dip kötelä.
Şimbä könne Ğiraq premier-ministrı Nuri Äl-Mäliki Bağdadnı xökümät kontrolenä alu maqsatı belän yaña operatsiä başlanuın iğlan itte. Aldağı berniçä köndä Ğiraq xärbiläre yorttan-yortqa ğisyançılarnı awlap yöriäçäk. Amerikan xärbiläre alarğa yärdäm itäçäk.
Ğiraqqa östämä ğäskär cibärügä kilgändä, Kongresstağı demokratlar moña qarşı çığa. Şul fikeren äytep alar prezident isemenä xat yulladı. Xäzer Kongressnıñ demokratlar qulında buluın iskä alğanda, Bushnıñ yaña strategiäse kirtägä tarırğa da mömkin.
Ali Ğilmi
Xärbi citäkçelektäge başqa möhim üzgäreşlär turında Aq Yort süzçese Tony Snow xäbär itte:
"Moña östäp Pentagon Saqlanu ministrı Robert Gatesnıñ berniçä täqdimen iğlan itte: general George Casey ştab başlığı itep kütärelä; general George Petraeus Ğiraqtağı ğäskär başlığı, admiral William Fallon Üzäk citäkçelek başlığı itep bilgelänä. Bu wazifadağı general John Abizaild yalğa kitä. Bu täqdimnärne prezident qabul itte" di aq Yort süzçese.
Tony Snow bu üzgärşelärne ber yaqtan taktika üzgärü, ikençe yaqtan qayber citäkçelärneñ yalğa çığu waqıtı citü belän añlattı.
Küptän tügel Pentagon başlığı Donald Rumsfeldnıñ kitüe, anıñ urınına Robert Gatesnıñ kilüe dä Ğiraq belän Äfğanstanda xärbi taktikanıñ üzgärüenä işarä itkän ide.
Kiläse atnada prezident Bush Ğiraqtağı yaña strategiäsen iğlan iter dip kötelä. Bağdadtağı köç qullanularnı bastıru öçen anda östämä ğäskär ciäreler dip kötelä.
Şimbä könne Ğiraq premier-ministrı Nuri Äl-Mäliki Bağdadnı xökümät kontrolenä alu maqsatı belän yaña operatsiä başlanuın iğlan itte. Aldağı berniçä köndä Ğiraq xärbiläre yorttan-yortqa ğisyançılarnı awlap yöriäçäk. Amerikan xärbiläre alarğa yärdäm itäçäk.
Ğiraqqa östämä ğäskär cibärügä kilgändä, Kongresstağı demokratlar moña qarşı çığa. Şul fikeren äytep alar prezident isemenä xat yulladı. Xäzer Kongressnıñ demokratlar qulında buluın iskä alğanda, Bushnıñ yaña strategiäse kirtägä tarırğa da mömkin.
Ali Ğilmi