Accessibility links

шимбә, 3 декабрь 2016, Казан вакыты 07:50

Äl-Mäliki: Säddam Ğiraqnıñ eçke eşe


Bağdad -- Ğiraq premier-ministrı Nuri Äl-Mäliki, Säddam Xösäyenneñ asıluı – Ğiraqnıñ eçke eşe dide häm başqa illärne moña tıqşınmasqa çaqırdı:

"Diktatornı xökem itü bezneñ eçke eşebez. Bu fäqät Ğiraq xalqına qarıy, başqa illärneñ tänqitlären bez kire qağabız. Xökem izge köndä başqarıldı digän tänqitlär bezne bigräk tä ğäcäpländerä. Ğärçä, bu tänqitläwçelär Säddamnıñ 35 yıl buyına izge könnär belän niçek eş itkänen yaxşı belä" dide Ğiraq premier-ministrı.

Berniçä ilneñ citäkçese Säddamnıñ asıluı – üç ğämäle buldı dip tänqit belderde. Asu ğämäle töşerelgän video internetta taraldı. Säddamnıñ ğömereneñ soñğı minutlarında mäsxärä itelüe sönnilärdä näfrät xisläre uyattı.

Üze şiği bulğan Äl-Mäliki, xökemne ğädel dip atadı, ä bu tänqitlär Säddam qulınnan qorban bulğan keşelärneñ ğailälären räncetü bulıp tora, dide. Ğiraqnıñ eçke eşenä tıqşınğan, Ğiraq xalqınıñ telägen ixtiram itmägän illärgä, Äl-Mäliki, mönäsäbätlärne özü belän yanadı.

Tänqitneñ iñ köçlese, ülem xökemenä qarşı bulğan Yewropa Berlegennän kilgän ide. Misır prezidentı Xösni Möbäräk, asılğannan soñ Säddam "şähitkä" äylände dide.

XS
SM
MD
LG