Bäyräm çaraları Rusiä, Serbiä, Gruziä, Bäytlähemdä ütä. Yulian kalendare belän yäşäwçe Pravoslav çirkäwe bu bäyrämne Grigorian kalendare belän yäşäwçe katoliklardan ike atna soñarıp ütkärä. Uzğan töndä Mäskäwneñ Ğäysä qotqaruçı çirkäwendä Rusiä patriarxı Aleksei II 5 meñ keşe qatnaşında bäyräm ğibädäte ükärde.
Bäyetlähemneñ borıñğı Raştua çirkäwendä yolanı grek pravoslav ruxanie Teofilos III ütkärde. Anda çit il qunaqaları, turistlar qatnaştı, läkin elekke yıllar belän çağıştırğanda kilüçelär azraq ide. Säbäbe – bu töbäktäge iminsezlek dielä.
Kosovo serbları bäyrämne töbäkneñ kiläçäge turında uylanıp ütkärde. Küpçelekne täşil itkän albannar bäysezlek taläp itä, Berläşkän Millätlär bu qararnı yaqın arada qabul iter dip kötelä. Kosovoda qalğan 100 meñläp serb kiläçäkkä bilgesezlek belän qarıy.
"Bu Kosovoda soñğı Raştua bulır dip äytä almıym, min optimist, alar bulır äle. Berkemne dä räncetäse kilmi, läkin Raştua Kosovoda iñ matur bäyräm" di Kosovska Mitrovicada yäşäwçe Slavica Stefanovic.
Taw başındağı İzge Dimitri çirkäwennän Miliya Arsic ataqay serblar Kosovoda qalaçaq dip sanıy:
"Bez üz cirebezdä yäşibez, häm şunda qalırğa tırışaçaqbız. Monda Serb däwläte ide, Alla teläsä şulay bulıp qalır da" di Arsic ataqay.
Rusiädä Raştua bäyräme qayğılı xäbär dä alıp kilde. Sverdlovski ölkäse, Alapay rayonı, Neyvo-Şäytan qasabasında Raştua kiçendä ber parvoslav ruxanie üterelgän. Cinayätçelär çirkäwdän ike distä ikona urlağan, çirkäwgä ut törtkän. Cinäyätkä şiklänelgän keşelär totqarlanğan dip xäbär itelä.
Ali Ğilmi
Bäyetlähemneñ borıñğı Raştua çirkäwendä yolanı grek pravoslav ruxanie Teofilos III ütkärde. Anda çit il qunaqaları, turistlar qatnaştı, läkin elekke yıllar belän çağıştırğanda kilüçelär azraq ide. Säbäbe – bu töbäktäge iminsezlek dielä.
Kosovo serbları bäyrämne töbäkneñ kiläçäge turında uylanıp ütkärde. Küpçelekne täşil itkän albannar bäysezlek taläp itä, Berläşkän Millätlär bu qararnı yaqın arada qabul iter dip kötelä. Kosovoda qalğan 100 meñläp serb kiläçäkkä bilgesezlek belän qarıy.
"Bu Kosovoda soñğı Raştua bulır dip äytä almıym, min optimist, alar bulır äle. Berkemne dä räncetäse kilmi, läkin Raştua Kosovoda iñ matur bäyräm" di Kosovska Mitrovicada yäşäwçe Slavica Stefanovic.
Taw başındağı İzge Dimitri çirkäwennän Miliya Arsic ataqay serblar Kosovoda qalaçaq dip sanıy:
"Bez üz cirebezdä yäşibez, häm şunda qalırğa tırışaçaqbız. Monda Serb däwläte ide, Alla teläsä şulay bulıp qalır da" di Arsic ataqay.
Rusiädä Raştua bäyräme qayğılı xäbär dä alıp kilde. Sverdlovski ölkäse, Alapay rayonı, Neyvo-Şäytan qasabasında Raştua kiçendä ber parvoslav ruxanie üterelgän. Cinayätçelär çirkäwdän ike distä ikona urlağan, çirkäwgä ut törtkän. Cinäyätkä şiklänelgän keşelär totqarlanğan dip xäbär itelä.
Ali Ğilmi