Accessibility links

якшәмбе, 4 декабрь 2016, Казан вакыты 17:28

New York Times: “Rusiädä yaña yıl yalları: eçü häm aqça tuzdıru”


New York Times yazğança, Yaña yıl Rusädä zurlap ütkärelä torğan iñ zur bäyräm, Şampan şäräben eçep häm salutlar atıp, biläklär bireşep uzdırıla. Yallar 9nçe ğinvarğa qädär däwam itä. Bu 2007 yıl mäşäqätlärenä başlamğançı tirän itep sulış alunı xäterlätä. Rusiädä tormış küpmeder däräcädä tuqtap tora, xökümät, iñ möhimnärennän qala, böten eşen tuqtata. Bu parlament wäkile İvan Graçevqa, ul azraq eşlägän sayın, il öçen yaxşıraq, dip äytergä nigez birde.

Dekabereñ 29 birle ber genä gäzit tä çıqmıy. Televidenie kanalları küp sanlı tamaşalar, kinalar, xätta “Baldaq xökemdarı” (“Lord of the rings ), kinasınıñ oç kisägen dä kürsätep, aralarında çığa torğan yañalıqlar tapşıruların kimette. Qayber şirkätlär, citeşterüne kimette yäki ğomumän tuqtattı. FedEx xatları barı citmi. Gazpom, däwlät energiä şirkäte, Yaña yılga berniçä minut qala yaña gaz kileşüen imzaladı, annan soñ yaña yıl könenä planlaştırılğan matbuğat oçraşuın ütkärmäde.

“Novie izvestiä” gäzite, şuşı 10 köndä qılınğan cinäytlär sanı qurqınıç däräcädä üsep bara, dip dekaberdäge sanında borçılu beldergän ide. “İl çiksez küñel açu, eçügä sabışa bara”, dip yazdı gäzit. Mäskäwdä, xakimiätlär gädättägedän kübärk yanğınnar çığuı turında xäbär itä. Ämma ğädättän tış xällär ministrlığı wäkile äytkänçä, äle tögäl statistik sannar yuq, çönki alarnı sanaw öçen ber kem dä eşkä çıqmağan.

Psixologiä belgeçe Sergey Kluçnikov, däwalanuçılar arasında, bäyrämnärneñ neğativ täesiren sizüçelär bar, di. Ul, Mäskäwdä häm Rusiäneñ başqa şähärlärendä dä, keşelärgä yallarda şögel bik az di, bulsa da qiybat. Qızıl mäydandağı şuğalaqta şuu köndez 11,5 $, kiçlären 19 $ tora. Ä yaña yıl kiçendä şuğattä şuu 76$ torğan. Yallarnıñ 3nçe yäki 4nçe könnendä aqçalar betä, dip belderä psixolog Sergey Kluçnikov. Yaña yıl yalları, yarlılar häm baylar arasında ayırmanıñ bilgewläwçe yaña kürsätkeçkä äylänä. Yaña yıl kiçäsenä Mäskäwgä, Brtianiä pop yoldızlı Gerge Michael, ber sägätlek konsert öçen kilgän. Ul metall häm media aligarxı Vladimir Potanin oyıştırğan kiçädä çığış yasağan. Konsertnı oyıştıruçı ağentlıq yasağan belderüdä, mr.Michael 3 million dollar aqça eşläde häm bu xäzerge Rusiädä konsert öçen tülängän iñ zur aqça buldı, dip äytelä. Potaninıñ şirkätendä, “İnterros”ta cawap birgän keşe, bu mäglümatnı raslarğa telämäde, bäyrämnär betmiçä ber kem bernäsä dä äytä almyı, dide, dip yaza New York Times gäzite. Şulay uq, gäzit yazğança, bay rusiälelär Fransiäneñ Kurshavel kurortında yal itä. Urta keremlelär öçen Misır häm Taiğa turistik säyäxätlär oyıştırıla. Kemder şähärdän kitmiçä, säwdä üzäklärenä bara, anda küñel aça. Aleksandr Litvenenko eşendä tikşerü astında bulğan Andrey Lugovoy, gäzit xäbärçesenä, “miña 15 nän soñ şaltırat” dide. 15 ğinvarğa qädär ber närsä dä bilgele bilmas, dide ul.

Valeriy Federov, Parlament wäkile, mondyı ozın yallar ilneñ üseşenä zıtan sala, dip borçılu belderä. Ütkän yılnıñ ğinvarında sänäğättä citeşterü 27 % , investitsiä, aqça kertü aldağı ay belän çağıştırğanda 71% kimegän, dip yaza New York Times gäzite.
XS
SM
MD
LG