Accessibility links

дүшәмбе, 5 декабрь 2016, Казан вакыты 05:38

Tatar alternativ cırlar cıyıntığı çıqtı


Sişämbe könne Bötendönya tatar kongressı binasında Oscar records prodyuserlıq üzäge “Tatarda berençe tapqır Al'ternativa”- digän cırlar tuplanğan diskknı täqdir itü aldınnan jurnalistlarnı cıyıp söyläştelär. Bu Oscar records prodyuserlıq üzägeneñ respublika jurnalistları belän berençe matbuğat oçraşuı ide. Oyıştıruçılar äytüençä, diskknı täqdir itü 11 ğinwarda Qazan üzägendäge “Feşın” tönge klubında bulaçaq. 5-6 törkem, cırçı bu töndä çın muzıka qoralları belän üz tawışları belän cırlayaçaqlar ikän. Tatar cırında törlelek yaratuçılar bu tatar al'ternativ cırların täqdir itüne soñğı un yıldağı iñ zur waqiğalarnıñ berse dilär. Al'ternativ cırlar başqaruçı cırçılarnı buldıru, xalıqqa tanıtu “Üzebez” yaña buın xäräkäte ideyäse bula. Ayırım alğanda älege xäräkätneñ koordinatorı Rafis Jämdixannıñ. Tatar al'ternativ cırı ideyäsen buldırıp, cırçıların tabıp ul Osсar rekords prodyusserlıq üzägenä birde. Oсqar küptän tügel “Tatarda berençe tapqır al'ternativa”- digän roq, rep, djaz, qantri, popsadan qala başqa stil'lärdä yazılğan cırlarnı tuplağan lazer tälinkäse çığardı. Menä sişämbe könne älege muzıykal' cıyentıyknı täqdim itkänçe, tatar al'ternativ cırın äydäp baruçılar respublikanıñ radio-televidenie, gazeta, elektron matbuğat çaraları jurnalistları, Osсar rekords prodyuserlıq üzäge citäkçelege, al'ternativ cırçılar “al'ternativa” turında ğap qordılar, fiker alıştılar. Berençe süz itep “Tatarda berençe tapqır al'ternativa” lazer tälinkäsen çığarğan Osсar reсords citäkçese Färidä Bibarsova 11 ğinwarda Qazan üzägendäge “Feşen” tönge klubında uzaçaq al'ternativ tamaşa turında tanıştırıp kitte. Lazer tälinkäse turında da ber ike süz äytte: - Bu disknı yäşlärgä zur büläk dip äytergä bula. Tatarça popsadan başqa stil'dä yazılğan cırlarnı tıñlarğa yaratqan tatar yäşläre öçen. Älege muzıykal' cıyentıykqa cırları kergän: “Alqanat”, “İsmail” “İttifaq” törkemnäre, Mubay, İlsöya Bädretdinova, “Barbekiyu” ansamble yeget-qızların jurnalistlarğa, 11 ğinwarda menä şuşı cırçılar üz tawışları belän muzıqa uyın-qorallarında uynap cırlayaçaqlar dip tanıştırdılar. Al'ternativ cırçılar xaqında cämäğät eşleklese, tanılğan jurnalist Rimzil Wäli, Osсar reсordsnıñ citäkçeseneñ urınbasarı Ayrat Volkov üz fikerlären citkerdelär. Süzgä cırçılar, jurnalistlar da quşılıp aldı. İlsöya Bädretdinova söyli: - Mondağı cırçılar aqça eşlärgä teläp tügel, küñel öçen cırlıylar. Alarnıñ xärber cırları menä digän. Matbuğat oçraşuındağı qaysıber jurnalistlar älege al'bomdağı cırlarnı tıñlap alırğa da ölgergännär. “Molodej' Tatarstana” gazetası jurnalistı İlşat Säetov üzenä oşağan al'ternativ cırçılarnı sanadı: - İsmail, İlsöya Bädretdinova oşıy. “İttifaq”nı xip-xopnı yaratmağanğa bik ük qabul itep beterä almıym. Soñğı un yılda mädäniät dönyasında bulğan waqiğalar rätendä tatarda al'ternativa barlıqqa kilü iñ zur waqiğanıñ berse dip başlağan ide älege matbuğat oçraşuı. Axırında, Osсar reсords citäkçese Färidä Bibarsova beldergänçä, bıyılnıñ aprelendä İdel-Ural töbäge buyınça al'ternativ tatar cırı festivale ütkärergä cıyınabız digän süz belän tämamlandı. Kilgän qunaqlarğa 11 ğinwarda uzaçaq al'ternativ konsert -tamaşağa çaqıru biletları birelde. Röstäm İsxaqi

XS
SM
MD
LG