Accessibility links

сишәмбе, 6 декабрь 2016, Казан вакыты 22:53

Töp halım tüläüselär xosusilaştırıla


Başqortostanda yağıulıq– energetika kompleksı şirkättäreneñ däülät qaramağında qalğan ölöştäre xosusilaştırılasaq. Respublika xökümätendä däülät milken xosusilaştırıu buyınsa farazdar planı qaralıp imzalanğan. Bıl kürhätmägä yaraşlı 6 predpriyatie– Başkirenerğo, Başneft, Yañı Öfö neft eşkärteü zavodı, Öföneftexim, Öföorgsintez häm Öfö neft eşkärteü şirkättäreneñ däülät qaramağında qalğan protsenttarı xosusilaştırılasaq. Unı ğämälgä aşırıu waqıtı älegä anıq bildälänmägän.

Respublikanıñ yağıulıq– energetika kompleksı, ximiya häm neft ximiyahı şirkättäre Başqortostandağı barlıq sänäğät eteştereüeneñ 76 protsentın başqara. Respublikala yıyılğan halımdıñ ille ike protsentı oşo şirqättär ölöşö. Yağıulıq– energetika kompleksınıñ aktsiyalar pakettarı 14 milliard samahı humğa bahalana.

Xäźer oşonday qeüätle halım yıyğan töbäktä barlıq halımdarğa yañı başlıq etäkselek itäsäk. Başqortostan halım orğandarına Rämil Nizametdinov urınına Aynur Äyźeldinovtıñ bildäläneüen inde xäbär itkäynek. Ämmä halımsılar menän bäyläneşkä inep ularźıñ bıl täğäyenläneügä mönäsäbättären belergä nasip bulmağaynı. Ular urıśśa äytkändä Azatlıq radiohı xäbärsehenä bez qommentariev tip yauaplanı. Respublika prezidentınıñ matbuğat särkätibe Rostislav Mırźağolov beldereüensä, Başqortostan halım xeźmätenä yañı başlıq quyılıuı respublika halımsılarınıñ eş sifatın nasaraytıuı ixtimal. Bınan tış Räsäy prezidentınıñ bildälänäsäk qandidaturalarźı, şul iśäptän Federal halım xeźmäteneñ uındarźağı idaralıqtarı etäkselären täğäyenläüźe töbäk etäkseläre menän motlaq yaraqlaştırıu xaqındağı farmanın boźa ikän. Bıl turala Rostislav Mırźağolov Regnum ağentlığına beldergän. Unıñ äyteüensä, halımdar waqıtında häm tulı külämdä tülänhen ösön Başqortostan vlastäre barıhın da eşläy. Respublika halımdar häm qaźnağa başqa yıyımdar buyınsa ildä 7-se urında tora. Xäźer respublika halım xeźmätendä etäkselärźeñ yıl da ütmäyensä añlaşılmağansa almaştırılıuı respublika iqtisadına la etdi zıyan kilterä.

Respublika etäkselege federal üźäkkä ildeñ teräk töbäktäreneñ berehenä qarata oşonday añlaşılmağan aźımdar yahauğa bäyle baytaq möräjäğät itkän, ämmä nigeźheź buşatıuźar häm bildäläüźär dauam itä. Bıl ihä oşonday qararźar qabul iteüselärźeñ kompetetlığına qarata horau uyata tip beldergän prezident matbuğat särkätibe.

XS
SM
MD
LG