Fälästin premyer ministrı İsmail Hania, Hamas xäräkäte citäkelärneñ berse, Fälästin törkemnäre arasındağı qorallı qarşlıqqa kiçekmästän çik quyarğa çaqırdı. Ütkän ayda bulğan bäreleşlär näticäsendä 30 fälästin keşese ülgän ide. Köç qullanu Mäxmüd Abbas yaqlı Fatah firqäse häm xakimiättä bulğan Hamas törkeme arasında bara. Köç qullanu, ütkän ayda , Abbas waqıttan irtäräk saylawlarnı iğlan ittkännnän soñ, yañartılğan ide. Xäzer Haniä qan qoyışnı tuqtatu kiräklege turında belderä:
“AQŞ häm İzrail, İzrail-Fälästin nizağın fälästinlelär arasındağı suğışqa äwerelederü öçen , fälästin xalqın watandaşlar suğışına etärä”
Hania Fälästin firqälärenä şul isäptän, Hamas häm Fatahqa da, milli berdämläşü xökümäten tözü öçen söyläşülärne yañartırğa täqdim itte. Abbas ta berdäm xakimiätne tözü yaqlı. Läkin küp säyäsät belgeçläre, Fatah belän Hamas arasındağı ayırımlıqlar , bigräktä İzrail mäsäläsendäge fiker qarşılığı, bik zur dip sanyı. Abbas İzrail belän kileşep eşlärä tırışa. Hamas wäkilläre isä Yähüd däwläten yuq itärgä çaqıra. Fälästin premyer-ministrı bu belderüne, Quşma Ştatlar däwlät sekretare Condoleezza Rise kilüe aldınnan yasadı. Yäqşämbe könne anıñ Fälästin avtnomiäse başlığı Mäxmüt Äbbas belän söyläşüe planlaştırılğan. Yaqın könçığışqa säfäre barışında Rise İzail häm Fäsälästinne kileşügä yaqınaytu yulların da tikşeräçäk.
