Accessibility links

шимбә, 10 декабрь 2016, Казан вакыты 17:39

Rice: AQŞ Fälästin-İzrail nizağın çiğügä kübräk köç quyaçaq


AQŞ däwlät sekretare Quşma Ştatlar Yaqın Könçığışta tınıçlıq urtanştıru yulların tabuğa kübräk köç quyaçaq dide. Yaqın Könçığışqa säfäre waqıtında Condoleezza Rice Ramalla şähärendä fälästin avtonomiäse başlığı Mäxmüt Abbas belän oçraştı. Abbas , Hamas törkeme belän milli berdämläşü xökümäten tözü tırışlarınıñ däwam itelüe turında xäbär itte. Kileşügä ireşep bulmasa, avtonomiädä yaña saylawlar ütkärergä kiräk bulaçaq, dide Mäxmüt Abbas. Düşämbedä Rice İzrail premyer ministrı Ehud Olmert belän oçraşırğa tieş. Şul arada, Hamas wäkilläre Quşma Ştatlar ğämällären tänqitli. Hamas räsmie Fawzi Barhom, Rice fälästinleläreñ berdämlegen alğa sörergä tieş, di. “Xäzergä qädär Rice fälästinlelärneñ ber öleşenä teläktäşek kürsätä”, dip belderä Hamas wäkile. Fawzi Barhom süzlärençä, Quşma Ştatlarnıñ töbäktäge säyäsäte fälästinlär arasındaı kileşmäwçänekkä kiterä. Quşma Ştatlar Hamasnı terrorçı oyışma dip isäpli. Hamas wäkilläre Fälästindö Qanun Şurasında küpçelek urınğa iä, häm Hamas başlığı İsmail Haniyeh Fälästin avtonomiäseneñ premyer-ministrı bulıp tora. Mäxmüt Abbas, Hamas belän köndäşlek itüçe Fatah firkäse başlığı, ul Fälästin avtonomiäseneñ citäkçese dä bulıp tora. Quşma Ştatlar Abbasqa teläktäşlek kürsätä, çönki ul İzrailneñ yäşäw xoquqın tanırğa riza. Hamas İzrailne tanırğa telämi. İzrail Premyer ministrı Ehud Olmert Rice belän düşämbedä oçraşaçaq, aña qädär ul kiläçäk oçraşu turında fiker alışu öçen xökümätne çaqırıp aldı.

XS
SM
MD
LG