15 ğinwar könne Näcip Cihanovnıñ tuğan könendä Qazannıñ mädäniät häm sänğät ähelläre kompozitor, SSSRnıñ xalıq artistı, G.Tuqay isemendäge Däwlät büläge iäseneñ Arça ziratındağı qäberenä çäçäklär quydı. Bilgele bulğança, Näcip Cihanov zamanında Tatarstanda Kompozitorlar berlegen oyıştırğan, zamanında anı citäkläp kilgän şäxes. Şulay uq ul Qazan däwlät konservatoriäsenä nigez saluçı, 1945 yıldan anıñ rektorı wazifasın başqaruçı da buldı. N.Cihanov sigez opera, öç balet, 17 vokal' häm instrumental' äsär icat itep qaldı. Gölnaz Şäyxetdin
