Accessibility links

якшәмбе, 4 декабрь 2016, Казан вакыты 21:31

Qaçmanu bäyrämendä bäkegä çumarlarmı?


Cılılıq cannı eretä, bäyräm ruxı urnaştıra dilär. Ämma bezneñ oçraqta kiresençä, hawanıñ ğädättän tış cılı buluı, äzdän genä xristiannarnıñ bäyrämnären bozmıy qaldı. Belgänebezçä 19 ğinwarda, xristiannar, kreşçenie - qaçmanu bäyräme uñayınnan bäkegä çuma. Bıyıl boz yuqa bulu säbäple, batıp ülüçelärneñ sanı küp. Şuñadırmı, Respublikanıñ grajdannar saqlığı häm ğädättän tış xällär ministrı Waleri Vlasov, bik aşığıp, xristiannarğa bu könnärdä bozğa kermäskä digän qarar çığardı. Bäyräm bulamı,bulmıymı dip matbuğatta küp söylände. Soñğı çiktä, ğädättän tış xällär ministrlığı belän din ähelläre urtaq fikergä kide alğan. Bu turıda Azatlıq radiosına ğädättän tış xällär ministrlığınıñ matbuğat üzäge citäkçese Andrey Rodıygin söyläde.

Boz yuqa bulu säbäple, bez bozğa kermäskä digän çik quydıq. Ämma bu xristiannar bäyräm itmäskä digän süz tügel. Qoyınırğa töläwçelär yar buyında su kerergä tieş, yäisä monıñ öçen maxsus caylanmalar bulırğa tieş. Älbättä bu bäyräm ğädättän tış xällär ministrlığı xezmätkärläre küzätüe astında uzaçaq.

Qazannıñ üzäk uramında Tixvin çirkäwe bar. Monda kübesençä, xristian dinendä bulğan millättäşlärebez - keräşen tatarları yöri. Ällä tatar qanı bulğanğamı, alar borınğıdan kilgän ğöref-ğadät, qaçmanu bäyrämendä su qoyınuğa başqaçaraq qarıy. Fikerne Tat'yana tüti däwam itä.

Elekke waqıtta bäkegä töşkännär qaç räweşe yasağannar bozdan. Elek su çista bulğan, anda töşep qoyınuçılar bulğan, çirlärennän tözälgännär.Ä bez nişläp yörik. Bezneñ bu Qamalar närsä soñ.Ul bit bezneñ küllär tügel. Şuña kürä anda barğan da yuq.Şuşında cırlıybız, uqabız, şuşında başqarabız, bezneñ öçen däwlät çirkäw, boz tügel.

Qaşmanu bäyrämendä bäkegä sikerü, möselman dinendä qorban çalğan tösle, izge eşlärdän sanala. Şuña kürä nindi genä qarşılıqlar bulmasın, telägän här xrist'yan keşese bu könne su kerä. Tat'yana tüti äytüençä, hawa torışına qarap qına, ul yıl buyı kötkän bäyrämennän baş tartmayaçaq.

MÇSlarğa qarap torıym anısın. Min üzem bit däwlät sorıym Xodaydan. Min ul sudan şulqädär, izgelek, saf, çista, may kebek canlanu alam, minem böten cilkäläremneñ awıruları betä. Änä şul çirkäwneñ däwläte belän yäşibez dä inde bez. Xäzer 73нче yäşem bara.Min anı bit yıl buyı kötep toram inde.

Xristian dinen totuçılar, atna däwamında zur bäyrämgä - Qaşmanu bäyrämendä izge su belän qoyınuğa äzerlänä. Bu ğämäldän soñ alar barısı da ber mizgeldä ğonaxsız, saw-sälamät bulaçaq.

Ğädel Galämetdinov

XS
SM
MD
LG