Accessibility links

дүшәмбе, 5 декабрь 2016, Казан вакыты 21:40

Çallıdan Rusiä mäxkämäsenä şikäyät


Rusiä mäktäplärendä uqıtıla torğan qayber däresleklärneñ eçtälegenä rizasızlıq belderü küreneşläre küzätelä. San-Peterburda, Mäskäwdä belgeçlär arasında bäxäslär buluı xaqında xäbärlär buldı. Şuşı uq yünäleştä Çallıdan da ber törkem Rusiä Yuğarı Mäxkämäsenä şikäyät yulladı. Şikäyät, A.Preobrajenskiy häm B.Rıybakov tarafınnan 6нчы sıynıf uquçıları öçen yazılıp, "Prosveşçenie" näşriäte bastırıp çığarğan "İstoriä Oteçestva" däreslege belän bäyle. Däreslek 2003 yılda basılıp, Rusiä Federatsiäse mäğärif ministrlığı tarafınnan mäktäplärgä täqdim itelgän. Yuğarı Mäxkämägä "İttifaq" firqäse äğzası Rifqat Säğidullin, Milli mäcles deputatı Faik Taciev, Milli xäräkät aktivistı Mönir Sitdıykov möräcäğät itä. Alar fikerençä, "İstoriä Oteçestva" däreslegendä Rusiäneñ tarix fänenä xas bulğança, maqtanu, urısnı kükkä çöyü, tarixi waqiğalarnı üzlärenä kiräk urınnarın ğına saylap alu belän bergä, Rusiädä yäşäwçe başqa xalıqlar, ayıruça tatarlar kimsetelügä duçar itelä. Mäxkämägä cibärelgän şikäyättä däreslektän alınğan 15 misal da kiterelä. Säğidullin, Taciev häm Sitdıykovlar şuşı däreslekneñ keşe xoquqların yaqlaw buyınça Xalıqara häm Auropa konvensiälärenä qarşı buluın da assızıqlıylar. Berençe çiratta tatar balası, tatar keşese zıyan kürä, dip sanıy V.Taciev. Anıñ fikere:

""İstoriä Oteçestva" kitabınıñ ber bitendä uçaqta keşe iten qızdıruçılar häm aşawçılar surätlänä. Räsemne ingliz rässamı yasağan häm tatarlarnı inglizlär şulay küzallağan, yänäse. Tatarlarnıñ häm urıslarnıñ qiäfätlären surätläwdä dä ayırma bik zur. Şuşı küreneşlär tatar uquçısında küñel töşenkelege, kimsenü uyata."

Faiq Taciev üzläreneñ töp taläpläre xaqında bolay dide:

- Älege däreslekne Rusiä mäğärif sistemasınnan häm satudan aldırırğa

- Ğäyeplelär Rusiä Federatsiäsendä yäşäwçe barlıq tatarlar aldında üzäk gazeta aşa ğafu ütenergä tieşlär.Monıñ östenä, däreslek avtorlarınnan häm Rusiäneñ fän häm mäğärif ministrlığınnan ruxi zıyan öçen aqçalata kompensatsiä dä taläp itelä.

Ğafiulla Gazizov, Çallı

XS
SM
MD
LG