Accessibility links

җомга, 9 декабрь 2016, Казан вакыты 04:50

Milli muzeyda matbuğat oçraşuı uzdı


16 ğinwar könne Tatarstannıñ milli muzey xezmätkärläre massaküläm mäğlümat çaraları belän oçraşu uzdırdı.

Muzey citäkçeläre uzğan yıldağı eşlärgä berniqädär yomğaq yasap, uzğan yılda muzey eşen tulısınça yaqtırtıp barğan redaksiälärgä räxmätlären belderep, bik aktiv eşläwçelärgä büläklär tapşırdı.

Bu oçraşunıñ maqsatı turında muzeynıñ filialları buyınça direktor urınbasarı Rafail' Valiev bolay dide:

“Bezneñ muzey 2006-2007 yılda şaqtıy küp çaralar ütkärä. 2006 yılda Borınğı tarixqa bağışlanğan ekspozitsiäne törle illärdän, mäsälän, Londonnan, Parijdan, Luvrdan häm bütän illärdän kilgän muzey direktorları qaradılar . Mondıy eşlärne başqarğan waqıtta, anı yaqtırtuda MMÇ belän bik zur elemtä bar . Ä bügenge oçraşu - ul şuşı elemtäne nığıtu maqsatı belän oyıştırıldı”,- dide ul.

Milli muzeynıñ direktorı Gölçäçäk Näcipova jurnalistlarğa 2007 yılda alıp barası eşlär , kilep tuğan problemalar , yäğni, Milli muzeynıñ binasın yañartu, anı zamança cihazlandıru buyınça eş alıp baruları turında söyläde. Şulay uq G. Näcipova bıyılğı Xäyriä yılı buluın iskä alıp, yaña proyektnı tormışqa aşıruda ximayäçelär ezläwlären äytte.

“ Bezneñ iñ töp maqsatıbız, häm bezneñ iñ möhim problema - ul milli mirasnı yäğni, mädäniätne , tarixnı cıyu häm saqlaw probleması. Matbuğatta şuşı töp maqsat niçek açıqlana, niçek kürsätelä. Niçek jurnalistlar yazalar bu problema turında . Alar az yazalar. Şunıñ öçen bez şundıy oçraşu ütkärergä buldıq.

Milli muzeynıñ citäkçese tağın ber problemanı iskä aldı. Ul- etnografiä äyberlären tözekländerü mäs`äläse.

Äyberlär iskerä, ä alarnı yañartıp ekspozitsiägä quyarğa kiräk. Bezneñ mädäniät ministrlığı bezgä bik küp aqça birä. Ämma ul aqça ğına bezgä citmi. Çönki bezneñ muzey, Rossiädäge regional' muzeylar arasındağı iñ zur fondlı muzey. Anıñ 80%n restavratsiälätergä kiräk. Şunıñ öçen bez ximayäçelärne ezlibez . Xäyriä yılında matbuğattan da häm böten keşedän şundıy uq xäyriä yärdäm kötäbez.

İñ berençe nindi äyberlär yañartılu taläp itä digän sorawğa Gölçäçäk Näcipova bolay dide:

İñ berençe tatar xalqınıñ maxsus fondı bar. Muzıkantlarnıñ kompozitorlarnıñ tatar ğalimnäreneñ Qayum Nasıyrinıñ , Märcänineñ Klyuçarevnıñ arxivları saqlanğan, alar notalarda da häm alarnıñ şäxsi äyberläre dä ; kiemnäre, qoralları bar, garmonikalar tuplanğan, tatar kostyumı, keräşen kostyumnarı bar . Ämma bez alarnı ekspozitsiägä quya almıybız, çönki alarnıñ kübese yañartılu taläp itä.

Bu oçraşuda “Qazan tarixları” dip atalğan gäziteneñ 5 yıllığın da bilgeläp üttelär. Häm milli muzeynıñ citäkçelege by yııldan alıp ul gäzitne üz qul astına alaçağın äytte. Şulay uq qayber gäzit, jurnallarnıñ baş möxärrirläre muzey belän kileşep eşlärgä söyläştelär.

Mälikä Basıyr

XS
SM
MD
LG