Accessibility links

Кайнар хәбәр

Rusiädä terror mömkinlege turında mäğlümätlär raslanmadı


Rusiä Federal İminlek xezmäte başlığı Nikolay Patruşev cämäğät transportında terror höcüme mömkinlege turında kisätkännän soñ bar il buylap iminlek çaraları arttırıldı. Xärbi nığıtmalarda, ütkärgeç torbalarda, hidro elektr stansiälärendä, hawa alannarında, vokzallarda häm metrolarda östämä iminlek çaraları kürde. Saqlanu ministrı Sergey İvanov xakimiätlär möhim qorılmalarnı saqlaw öçen östämä çaralar kürä dide. "Rusiä Federatsiäseneñ saqlanu ministrlığı iñ möhim xärbi, däwlät häm xökümät qorılmaların saqlaw öçen östämä çaralar kürde. Ğömümän alğanda qorallı köçlär normal tärtiptä eşläwne däwam itä" dide İvanov. Patruşev bu kisätü çit ilneñ küzläw mäğlümätlärenä nigezlänä dide. Kiçen isä terrorğa qarşı däwlät komitetı süzçese Nikolay Sinsov Rusiä televideniesenä terror mömkinlege turındağı mäğlümätlär älegä raslanmıy dip belderde
XS
SM
MD
LG