Accessibility links

шимбә, 10 декабрь 2016, Казан вакыты 06:03

Narkopolitsiya yılğa yomğaq yahanı


Başqortostanda bıltır qanunhıź äyläneştän 250 kiloğramdan aşıu narkotik tartıp alınğan. Yäğni 52 million humlıq 450 meñ doza narkotik qullanıusığa barıp etmägän. İdaralıq tarafınan narkotiktarğa bäyle 1 meñ 700–źän aşıu enäyät terkälgän, 270 keşe xököm itelgän. Räsmi mäğlümättär buyınsa, narkotiktarğa bäyle enäyättär aldağı yıldar menän sağıştırğanda küberäk asıqlanğan. Başqortostandıñ baş narkokontrolerı Valeriy Kokin oşo turala belderä. Unıñ äyteüensä, 2006-sı yılda başqa töbäktärźän Başqortostanğa narqotiktar kiltereüse tiśtänän aşıu qanal asıqlanğan häm yuq itelgän. Öfölä narqotiktar başlısa Çerniqovqa biśtähendä Siğan ixatahında taratıla. Respublika narkopolitseyskiyźarı Urta Aziya häm Kavkazdan kileüse migranttarźıñ, siğandarźıñ enäyätsel törkömdäre daimi küźäteü aśtına alğan. Tik unıñ menän genä aq ülem taratıusılarźı bötöröp bulmauın barıhı la yaqşı añlay. Şul uq uramda xäyer horap ultırıusı sit il keşeläre narkotik taratıu menän şöğölläneüe ber kemgä lä ser tügel. Ä undayźar här uram möyöşöndä häm er aśtı yuldarında küpläp yöröy.

Belgestär äyteüensä, huñğı yıldarźa respublikala narkotik qullanıusılarğa qarata kire feker uyana. Xoźay birgän sälämätlegen häm ğümeren minutlıq läzzät ösön qorban qılıuźıñ nasar bulıuın añlata torğas, tama tama tamsı la taş yara tigändäy, yäştär arahında añ uyana başlağan. Azatlıq radiohı xäbärsehe rayondarźan yıyılıp Öfölä belem estäüse häm ularğa habaq bireüselärźeñ fekere menän qıźıqhındı. Ular arahında bälki narkotik tämläp qarausılar bulğandır, ämmä barıhı la ber tauıştan unıñ nasar ikänlegen äytä. Şunıhı qıuandıra.

XS
SM
MD
LG