Accessibility links

чәршәмбе, 7 декабрь 2016, Казан вакыты 13:34

Qazanda Rusiä Däwlät Şurası utırışına äzerlek bara


Qazanğa 18 ğinwar könne Rusiäneñ Ğädättäntış xällär ministrı Sergey Şoygu kilde. Ul şuşı tarmaqta eşläwçelär belän oçraştı, yaña binalar açuda qatnaştı. Comğa könne Qazanğa tağın da kübräk qunaqlar kilüe kötelä. Respublika başqalasında ütäçäk Rusiä Däwlät Şurası utırışında qatnaşuçılar äbätkä taba cıyıla başlıy. Qazannıñ hawa alanına bu könne Mäskäwdän maxsus reyslar, ayırım kilüçe töbäk citäkçeläre, Vladimir Putinnı alıp kilüçe oçqıçlar töşäçäk. Däwlät Şurasınıñ utırışı toraq mäs’äläse, bu ölkädä tatarstannıñ täcribäsenä bağışlana. Şuña da aldan qunaqlarnı Qazannıñ Noksinskiy spusk uramında ipoteka buyınça tözelgän yortqa alıp baraçaqlar. Annarı kilüçelärne şähärneñ Azino bistäsendä urnaşqan xisaplaw üzäge belän tanıştıraçaqlar. Kiçke säğät altıda Şuranıñ utırışı planlaştırılğan. Annarı qunaqlarnı Qazan kirmänendä Mintimer Şäymiev qabul itäçäk. Anda tatarstan prezidentınıñ tuğan köne dä bilgeläp üteläçäk.

Gölnaz İlgizär

XS
SM
MD
LG