Pakstan Taliban citäkçese Möxämmät Ğömär mulla Pakstannıñ xezmätlär ara küzläw idaräse sağı belän ilneñ Quitta şähärendä yäşi digän ğäyepläwne kire qaqtı.
Çärşämbe könne Äfğän räsmiläre totılğan Taliban süzçese Möxämmät Xänif Äfğän xezmätläre ütkärgän, videotasmağa yazılğan soraw alu waqıtında şundıy mäğlümätlär birde digän ide.
Pakstan eçke eşlär ministrı Aftab Xan Şerpao bu ğäyepläw nigezsez, Pakstan xakimiätläre Ğömär Mullanıñ qayda buluın belmi dide. Pakstannıñ xezmätlär ara küzläw idaräseneñ elekke başlığı general Xämit Gül Azatlıq radiosına bu ğäyepläw döres tügel dide.
"Bolar barısı da yalğan. Bu Paqstanğa qara yağu. Bu Äfğän räsmiläreneñ niätlärenä turı kilä. Bu alarnıñ Pakstanğa nindi kiläçäk teläwen kürsätä" dide Gül.
