Accessibility links

якшәмбе, 11 декабрь 2016, Казан вакыты 16:52

Qırğızstan parlamentı Kulovnıñ xökümätne citäkläwenä qarşı çıqtı


Qırğızstan parlamentı Prezident Kurmanbek Bakievnıñ wazıyfasınnan kitüçe premyer ministr Feliks Kulovnı yañadan premyer itep quyu täqdimen kire qaqtı. Kulovnıñ yañadan premyer buluın 23 deputat yaqladı, 29-ıq qarşı tawış birde. Raslaw öçen kimendä 38 tawış kiräk ide. Tawış birü aldınnan oppozitsion deputat Azimbäk Bäknazarov Kulovqa möräcäğät itep anı premyer bulu niätennän çigenergä çaqırdı. "Bälki min yalğışamdır, ämma min sezne raslaw kire qağılır dip isäplim. Qıyu bulığız, premyer ministr wazıyfasın başqara almıyaçağığıznı tanığız. Uzğan yılyarımda da monı başqara almağanlığığıznı tanığız. Minemçä sez yañadan bilgelänüdän baş tartsağız yaxşıraq bulaçaq. Keşe bulığız" dide Bäknazarov. Kulov citäkçelegendäge xökümät oppozitsiä taläbe belän konstitutsiä üzgärtelgännän soñ 19-nçı dikäberdä eşennän alındı, ämma wazıyfaların däwam itep kilä.

XS
SM
MD
LG