Accessibility links

җомга, 9 декабрь 2016, Казан вакыты 13:00

Tatar tarixi-mädäni üzägendä buldılar


Başqortstannıñ ber törkem tatar cämäğätçelege wäkilläre Büzdäk rayonınıñ Kilem awılındağı respublika tatar tarixi-mädäni üzägendä bulıp qayttı. Kilem awılındağı tarixi-mädäni üzäk berniçä yıl elek respublika prezidentı färmanı belän buldırılğan ide. Şundıy uq üzäklär respublikanıñ başqa küpsanlı millätläreneke dä bar. Mari, çuaş, mordva, ukrain häm başqa millätlärneñ respublikanıñ törle töbäklärendä şundıy üzäkläre eşläp kilä.

Tatar tarixi-mädäni üzägen näq menä Kilem awılında buldıru qararı oçraqlı tügel. Bu awılnıñ tarixı bik bay. Anda xätta elekke mäçet binası da, tatar bayları Tävkilevlar tözetkän saraylar da bezneñ könnärgä qädär saqlanğan. Bilgele inde, alar waqıt uzu belän iskergän, tawşalğan, ämma respublika xökümäte alarnı yañartu öçen aqça bülergä wäğdä birde häm anda öleşçä qayber tözeleş eşläre başqarıldı da inde. Ämma äle Kilemdäge üzäktä başqarası eşlär baytaq. Bu xaqta äle şuşı awılğa eş säfärenä barıp qaytqan tatar milli oyışmaları wäkilläre dä äytte.

Bötendönya Tatar kongressınıñ Başqortstanda yañaraq saylap quyılğan daimi wäkile, tanılğan kompozitor häm cämäğät eşleklese Alik Lokmanov äytüençä, Kilemdäge oçraşular bik qızıqlı häm faydalı ütkän. “Andağı üzäkne tözep betkänne dä kötmiçä, millät öçen bügennän ük küp kenä igelekle eşlärne başlarğa mömkin”, - di ul.

Bu säfärgä Tatar morzaları oyışması räise Maqsat Mämliev häm tatar eşquarları da barğan. Häm äytergä kiräk buş qul belän barmağan alar. Misal öçen, bilgele eşquar, morza Zöfär Äyupov Kilem tatar üzägenä büläkkä ike komp'yuter alıp barğan. Alik Lokmanov isä, Bötendönya Tatar kongressı isemennän bayan häm baytaq kitaplar büläk itkän.

Fänis Fätxi, Ufa

XS
SM
MD
LG