Accessibility links

шимбә, 3 декабрь 2016, Казан вакыты 14:41

İstanbulda "töreklekne räncetkän" jurnalist üterelde


Bıtlır töreklekne räncetüdä ğäyepläp xökem itelgän ärmän-törek jurnalistı Hrant Dink bügen atıp üterelgän. Dinknı İstabulda eş urını yanında qorallı ber keşe ütergän dip xäbär itelä. Milläte belän ärmän bulğan törek watandaşı Dink töreklärneñ yegermene ğasır başında ärmännärne küpläp üterüe turında çığış yasağan öçen berniçä mäxkamädä xökem itelgän ide. Uzğan may ayında şul xökem eşläreneñ berse barğanda Dink Azatlıq radiosına bolay dip belderde. "Appelyatsiä mäxkamäseneñ qararı yuridik tügel, säyäsi qarar buldı. Min Törkiäneñ mömkin bulğan barlıq däräcädäge mäxkamälärendä häm Yewropa Mäxkamäsendä dä mömkin bulğan barlıq çaralar belän köräşne däwam itäçäkmen. Ägär dä min üz xoquqlarımnı yaqlıy almasam min ğailämne alıp bu ildän kitäçäkmen" dide Dink. Politsiä anı üterüdä şiklänelgän 19 yäşlärdäge ber keşe ezlänelä dip belderde.

XS
SM
MD
LG