Respublikağa Çexiä parlamentınıñ vitse-spikerı Voytex Filip kilde. Ul respublikanıñ däwlät cıyılışı binasında Başqortstan parlamentı başı Konstantin Tolkaçev belän oçraştı. Voytex Filip Çexiä kommunistları firqasen dä citäkli. Şuña oçraşuda ul firqa eşçänlege belän dä tanıştırdı. Voytex säfären yarım räsmi dip atadı. Ul respublikağa ike yaqlı xezmättäşlek mäsälälären öyränü öçen kilgän.
Çexiä qunağın Ufada barğan Duslıq yortı tözeleşe belän tanıştırdılar, Salawat Yulaev häykäle, Lalä-Tyul'pan mäçete häm tağı qayber urınnarnı kürsättelär. Voytex respublikada tağın berniçä kön bulaçaq.
