Accessibility links

Кайнар хәбәр

Roza Färdieva: Nurlanıştan zıyan kürgän xalıqnı küçerüne tizlätü kiräk


Çiläbedäge “Mayaq” citeşterü kombinatında şartlaw waqıtında, yäğni 1956нчы yılda zıyan kürgännärneñ bügenge köndä barısı da awıru -küplärendä yaman şeş awıruı. Ämma äle bügenge köndä dä älege “Mayaq” kombinatı eşläp kilä häm qaldıqlar andağı yılğalarğa ağa. Bu zıyan kürgän awıllarda yörgän advokat Roza Färdieva äytüençä, älege “Mayaq”qa xäzer dä radioaktiv qaldıqlar kerä - Rusiäneñ törle illär belän tözelgän kileşüe näticäsendä. Şuña Qunaçaq rayonındağı Möslim awılın xäzer küçerü turında süz bara. Çönki ul zamanında maxsus status alğan awıl. Advokat Roza Färdieva

Teça yılğasına pıçraq qaldıqlar çığarıla. Anda balalar su qoyına, terlek şunnan su eçä. Şuña xalıq nurlanış ala. Mayaq şartlağannan soñ anda yılğalar timer çıbıq belän uratıp alınğan bula. Militsionerlar anda saqta tora. Ul timer çıbıqlar äle xäzer dä bar. Bu awıllardağı xalıqnı yıraqqaraq küçersennär ide şul.

Roza Färdiewa äytüençä, bu Möslim, Üzbägeräk häm tağın berniçä awıl inde Çiläbe ölkäseneñ qartasında da yuq. Çönki räsmi räweştä ul küçerelgän sanala. Roza Färdieva:

1958 yılnı härber awılnı küçerü öçen 78 million sum aqça bülep birelgän bulğan.

Roza Färdieva äytüençä, Tatarstannan kilep kongress wäkilläreneñ 2003 yılda tikşerep yörülär boznı quzğatıp cibärügä säbäp bulğan. Çiläbe gubernatorı tarafınnan da añlaşu tabılğan. Xäzer inde Möslim awılındağı millättäşlärebezne küçerüne tizlätü zarur. Roza Färdieva:

Aqça birer aldınnan awıl sovetı, annan rayon, annan ölkä külämendä tikşerelgä tieş. Şunnan soñ Mäskäwgä kitä dokumentlar. Anıñ äle statusı bilgelänergä tieş. Anı küzätep barırğa kiräk. Tatar Qarabolağı awılına da aqça bireläçäk. Bu xaqta Sergey Kirienko äytte.

Advokat Roza Färdieva belderüençä, barı Çernobıl’däge һälakkättän soñ ğına bu kombinattağı şartlaw turında süz çığa. Moña qädär anı yäşerep kilälär. Şunnan soñ Çiläbegä törle çit illärdän kilep ğalimnär tikşerülär uzdıralar, täcribälär uzdıralar, ämma çın mäğnäsendä berkem dä yärdäm itä almıy.

Landış Xarrasova

XS
SM
MD
LG