Accessibility links

җомга, 9 декабрь 2016, Казан вакыты 06:56

Asılınğan xärbi cirlände


Ufada ber xärbi asılınıp ülgän ide. Ul - Samat Xäsänov. Xäsänov İvanovo ölkäsendä xezmät itkän cirennän qaçıp qaytqannan soñ Ufa rayonınıñ Älki qasabasında xolıq tözätü xezmätenä cibärelgän. Qaçu säbäben xezmät itkän cirendä babayçılıq belän añlatqan. Älkidä xezmäten tömamlağannan soñ Ufa garnizonı komendaturasına küçerelgän. Xolıq tözätkännän soñ ul baştağı xezmät itkän urınına qaytarılırğa tieş ide. Samat Xäsänov änisenä anda qabat qaytuğa qarağanda, ülüeñ xäyerle dip beldergän bulğan. Ul şulay uq soñğı könnärdä töşendä tabut kürüen dä söylägän bulğan. Anıñ töşe çınğa aştı - xezmät itkän cirennän ber leytenant alırğa kilgäç, ul asılınıp ülgän. Ul tuğan yağına Borayğa alıp qaytıp cirlände.

Yegetneñ änise ulınıñ mäyeten ike qat cäymägä törep alıp qaytuların, ber kieme dä bulmawın beldergän. Aña ulınıñ üleme turında yomğaqlaw dokumentların da birüdän baş tartqannar. Ufa garnizonı xärbi prokuraturası älege uñaydan kommentar birmi.

XS
SM
MD
LG