Accessibility links

пәнҗешәмбе, 8 декабрь 2016, Казан вакыты 23:03

Omskida “Sälam” radiotapşıruı qabat efirda


1 yıl tuqtalıp torğannan soñ, Omskinıñ “İrtış” ölkä däwlät teleradio şirkäte qarşında eşläwçe “Säläm” radiotapşıruı qabat efirğa çığa başladı. Pänceşämbe könne tergezelgän tapşırunıñ berençe çığarılışı yañğıradı. Tapşırunı tergezü östendä şähär milli mädäni möxtäriäte aktivistları eşläde. Alarnıñ ölkä citäkçelegenä yazğan xatları, möräcäğätläre cawapsız qalmadı, ölkä teleradio şirkätendä “Säläm” tapşıruına qabat waqıt birelde, finanslaw ölkä byudjetına alındı. Elek xäbär itkänebezçä, uzğan yılğa qädär Omski ölkä radiosında tatar, qazax, nemes tellärendä milli tapşırular çığa ide. Tapşırularnı tergezü östendä tatar cämäğätçelege genä eşläw säbäple, waqıt älegä “Säläm”programmasına ğına birelde. Tapşıru elekeçä 15 minutlıq bulıp, ayına ber märtäbä çığa. Äytergä kiräk, tıñlawçılar tatar tapşıruın zarığıp kötkännär ikän. Tapşıru efirda yañğırawğa, ölkä, teleradio şirkäte citäkçeleklärenä häm “Säläm” avtorlarına küpläp telefonnan çıltıratıp, räxmät belderülär buldı.

XS
SM
MD
LG