Accessibility links

Кайнар хәбәр

“Umırzaya” citäkçeseneñ icat kiçäse uzdı


Omskinıñ “Qızıl Gvardiä” mädäniät sarayında şähär milli-mädäni möxtäriäte räise, “Umırzaya” häm “Ömet” kollektivları citäkçese Ğafiä Aleevanıñ icat kiçäse bulıp uzdı. Kiçä barışında Ğafiä xanımğa ölkä häm şähär xaqimiätläreneñ maqtaw käğäzläre tapşırıldı. Tatarstannan da täbrikläw buldı. Bötendönya tatar kongressınıñ räxmät xatın şuşı könnärdä genä Qazanda Tatarstan prezidentı belän oçraşuda bulıp qaytqan “Tatar dönyası” gazetası möxärrire Gölsinä Axmärova tapşırdı.

Ğafiä xanımnı täbriklärgä Omskinıñ “Duslıq yortı” qarşında eşläwçe milli oyışmalar citäkçeläre küpläp kilgän idelär. Ämma, Ğafiä xanım üze telägän barlıq keşelärne dä çaqıra almawı, oyıştıru eşlärendä qayber awırlıqlar da buluı turında äytte. “Mädäniät sarayı citäkçelege kiçäneñ programmasın, ütkärü räweşen qat-qat tikşerdelär. İsemlektä bulğan qayber keşelärne çaqırmasqa kiñäş ittelär. Annarı bezneñ kiçä aldınnan ğına Aydar Galimovnıñ konsertı bulu da, berniqädär tiskäre rol' uynadı. Bezdä tatarlar artıq küp tügel bit, konsertlarğa yörüçelär dä iple genä. Aydar konsertınnan soñ, minem kiçägä kilüçe bulırmı dip, borçılğan idem. Şöker, bezdä dä tamaşaçı buldı, dimäk üz tamaşaçıbız bar ikän äle,”-dide ul.

Kiçä barışında alıp baruçılar Ğafiä xanımnıñ icat yulı belän tanıştırdılar, ul citäklägän kollektivlar turında söylädelär. Annan soñ Ğafiä xanım , “Umırzaya” sänğät'kärläre häm “Ömet”törkemendä şöğellänüçe balalar başqaruında törle janrlarda cırlar yañğıradı, biyüllär kürsätelde.

Saniä Mirxaleeva, Omski

XS
SM
MD
LG