Accessibility links

якшәмбе, 4 декабрь 2016, Казан вакыты 00:59

Açıq mikrofon: Nindi qış telär idegez?


“Azatlıq”nıñ “Açıq mikrofon”ı Qazan uramnarında törle yaqlarğa aşığuçı xalıqtan bıyılğı qışta hawa torışınıñ nıq üzgärüenä fikerlären belergä buldı. Çönki ğinwar başlarında hawa temperaturası 0 gradustan yuğarı tordı. Yañğır yawdı, pıçraq, qış tügel ä yaz-köz ayı dip äytep bula ide. Äle menä ber-ike kön elek kenä çın qış kilde. Buranlap qar yawdı da, qoyaş çığıp suıtıp quydı. Tatarstan başqalasındağı xalıqnıñ mikrofonğa äytkän süzläre tübändägelär buldı: - Min Seberdä yäşäp qaytqan keşe inde. Şuña miña mondağı hawa temperaturası cılı, dımsu. Bu könnärdäge kebek qoyaşlı, salqınça hawa bulsa mina bik oşıy ! – dide urta yäşlärdäge xanım. Anıñ qırıyındağı apalar da anıñ süzenä quşılıp qışnıñ salqın, qorı buluın telädelär. Yäş waqıtta kürşe awıl mäktäbenä qışqı suıqlarda uqıp yörülären islärenä töşerdelär. Cepşek qarlı, yañğırlı könnär alarnı tuydırğan bulıp çıqtı. “Açıq mikrofon”ğa turı kilgän abzıylarnıñ äytäse kilgän süzläre şul salqın qış, qoyaşlı hawa torışı ide. Ölkän yäştäge ber abzıynıñ mondıy qışnı ğömerendä berençe tapqır kürüe ikän. Ä menä soñğı qoyaşlı, bitne beraz çemetä torğan könnär aña kübräk xuş kilä bulıp çıqtı. Qazannıñ ber universitetında professor bulğan abzıy ğına:“ Miña barıber, nindi hawa torışı bulsa da, tik şunı äytäsem kilä, qış bulmasa cir sasıy dilär bit. Şunıñ belän barsı da añlaşıla” – dip quydı.

XS
SM
MD
LG