Accessibility links

сишәмбе, 6 декабрь 2016, Казан вакыты 17:11

Tatar gimnaziäsen cimerü kiçekterelde


İnde xäbär itelüençä, 26 ğinwar könne Ufada tatar gimnaziäse öçen dip tözelüçe binanı cimerä başlaw xaqında kisätü yasalğan ide. Respublika xakimiätläre tatar eşquarları tözetüçe Ğabdulla Tuqay isemendäge tatar gimnaziäse binasın cimerü omtılışların moñarçı da yasağan ide. Ämma tatar cämäğätçelege häm respublikadağı Berläşkän oppozitsiägä kerüçe başqa ictimaği oyışmalar wäkilläre qarşılıq kürsätep, moñarçı bu binanı cimertüne buldırmıy kilde.

Bu yulı da 26 ğinwarda gimnaziäne cimerergä kilälär ikän digän xäbär bulğaç, irtänge qarañğılı-yaqtılıda biregä gimnaziäne yaqlap, distälärçä keşe kilde. Qapqanıñ tışqı yağına törle şiğar'lär yazılğan tuqımalarnı totıp çıqtı alar. Anda tatar gimnaziäsen cimerüne ğäyeplägän yazmalar belän bergä respublikada tatar telenä dä däwlät tele statusı birüne taläp itkän häm tatar xalqına başqa mömkinleklär dä birelergä tieş digän şiğar'lär çağıldırılğan.

Şulay da irtänge säğät unğa uq kilergä tieşle awır texnika kilmäde bu könne. Barı tik berazdan ber törkem mäxkämä pristavları ğına kilep tağın kisätü qaldırıp kitte. Ul kisätüdä yazıluınça, gimnaziä öçen täğäyenlängän binanı köç qullanıp sütü öçen, biredä awır texnika kilü yulların 30 ğinwarğa qädär äzerläp quyarğa quşıla.

Şul uq waqıtta mäxkämä pristavları kitügä ük, Başqortstan Berläşkän oppozitsiäsenä kerüçe oyışmalar citäkçeläre Rusiäneñ törle däräcä citäkçelärenä häm Rusiäneñ baş mäxkämä pristavı isemenä tatar gimnaziäse binasına bäyle xällärne bäyän itep möräcäğätlär äzerläde. Şulay itep xäzer gimnaziäne yaqlawçılar 30 ğinwarda tağın cıyılırğa kileşep taralıştı.











XS
SM
MD
LG