Accessibility links

җомга, 2 декабрь 2016, Казан вакыты 22:52

Mäçetlärdä Zäm-zäm comğası ütte


Ufadağı mäçetlärdä dä, Başqortstannıñ başqa şähärläre häm rayonnarındağı mäçetlärdä dä 26 ğinwar könne “Zäm-zäm comğası” dip atalğan çaralar ütte. Anda bıyıl häm ütkän yıllarda izge Xac säfärendä yörep qaytqan din qärdäşlär kilgän ide. Bergäläp comğa namazın uqığannan soñ, xacilar izge säfärdän alıp qaytqan zäm-zäm sularınnan awız itte, mäçetlärgä kilüçe hämmä keşene dä sıyladı.

Ufadağı “İxlas” mäçetendä ütkän Zäm-zäm comğası mäclesenä dä yözlärçä keşe kilgän ide. Anda da bıyıl Xacğa barğannar da, uzğan yıllarda anda bulğannar da cıyıldı. Bıyıl “İxlas” mäçete aşa “İdel xac” şirkäte yäräme belän 57 keşe Xac säfärenä barıp qayttı. “Zäm-zämle comğa”da alarnıñ härberse üzläreneñ şuşı säfärdän alğan tä'ssoratları belän urtaqlaştı, yulda häm Mäkkä belän Mädinä şähärlärendä bulğan xällär xaqında söyläde.

“İxlas” mäçetendä cıyıluçılar, bergäläp comğa namazın uqığannan soñ, çäy mäclesenä cıyıldı. Anda hämmä keşe – Xacğa barğannarı da, bara almağannar da ozın yullar aşa Ufağa qaytıp citkän şifalı, sixätle zäm-zäm suınnan awız itä aldı. Älege mäcles waqıtında mäçetneñ imam-xatibı Möxämmät xäzrät Ğalläm bıyılğı säfärneñ ayıruça uñışlı häm bäla-qazalarsız ütüenä şatlığın belderde.

Ufadağı “İxlas” mäçete imam-xatibı Möxämmät xäzrät Ğalläm oyıştıruında Xac säfärennän qaytuçılar qatnaşlığında “Zäm-zämle comğa” digän çara ütte.





XS
SM
MD
LG