Accessibility links

шимбә, 3 декабрь 2016, Казан вакыты 12:47

Tatar gimnaziäsen bügen cimermädelär


30 ğinwarda Ufa şähäre Oktyabrskiy rayonınıñ mäxkämä pristavları çirattağı tapqır Ufada tatar eşquarları isäbenä tözelüçe Ğabdulla Tuqay isemendäge gimnaziäne cimerergä dip, awır texnika häm berniçä distä militsiä xezmätkärlären alıp kildelär. Tatar gimnaziäsen cimerüdän saqlarğa dip citmeştän artıq tatar milli oyışmaları äğzaları, Başqortstan urıslarınıñ “Rus'” oyışması citäkçelege, çuaş ictimağıy berläşmäse wäkilläre, törle partiälär äğzaları iñgä-iñ bastılar.

Başqortstan tatarları milli-mädäni moxtäriäte räise, gimnaziäne tözügä töp öleş kertüçe Ramil Bignov “Azatlıq” xäbärçesenä gimnaziäne yaqlawçılarğa qarata repressiälär, qulğa alular ixtimallığı turında belderde. Ämma, 30 ğinwarda tatar gimnaziäsen cimerergä kilüçelär çigenergä mäcbür buldılar. Ozaqqa tügel – 31 ğinwarğa xätle. 31 ğinwarda eşlär ni belän betär – ber Xoday ğına belä.

Kärim Yawış, Ufa

XS
SM
MD
LG