Accessibility links

якшәмбе, 11 декабрь 2016, Казан вакыты 16:45

Räximov piketsılarğa teläktäşlek belderze


Başqortostan halım idaralığında yetäkselärźeñ yış alışıuına bäyle ütkärelgän piketqa qarata Respublika prezidentı maxsus belderew menän sığış yahanı. Mortaza Räximov äytewensä, töbäkteñ neft häm ximia kompleksı federal strukturalarğa birelmäne. Bıl üź siratında neft eşkärtew şirqättäreneñ totoroqlo eşläwenä häm hawağa zararlı mätdälär sığarıuźı kämetewgä kilterźe. Räximov "Beź ber qasan da üź mölkätebeźźe sit-yattarğa birmäyäsäkbeź" - tip belderźe.

Neft eşkärtew kompleksın hatmayasaqbıź źa, Räsäyźä neft hatıu menän mawığıp kittelär, ä küp kenä neft eşkärtew şirqättärendäge tawar teyeşle talaptarğa yawap birmäy, Başqortostanda başqasa xäl. Beźźeñ şirqättärźä texnik yıhazlandırıu bara, xeźmätkärźärźeñ eş xaqı bik yaqşı, tawarźar sifatlı, tine Mortaza Räximov.

Qayhı ber mäğlümät saraları xäbär itewensä, halım organdarınıñ Mortaza Räximovtıñ ulı Ural Räximov kontrol itkän "Başqort kapitalı" şirqätenä däğüäläre bar. Bıl şirqät 2003-2006 yıldarźa başqort nefte aktivtarı menän idara itew ösön qullanılğan. Unı bötöröü uñışhıź tamamlana. Äle halım organı unı yuridik şäxestär isemlegendä tergeźep, däğüälären beldermäkse. Başqort oyoşmaları yetäkseläre fekerensä, Başqortostandıñ neft eşkärtew sänäğätenä qul huźıusılar üź keşehe - halım xeźmäte yetäksehe Aynur Aydeldinov yarźamında eş itergä mataşa. Kisäge pikettıñ da töp nösxähe şunan ğibarät ine.

Ämmä "Ural" başqort xalıq üźäge, "Federativ Räsäy ösön" xäräkäte yetäkseläre ütkärgän piketta neft kompleksına bäyle ber hüź źä bulmanı. Piketsılar quldarına "Federätiv Räsäy ösön", "Aydeldinov-sumaźan-vokzal-Qazan" tigän plaqattar totqaynı. "Federativ Räsäy ösön" xäräkäteneñ respublikalağı koordinasia şurahı ağzahı Timur Loqmanov äytewensä, halım orğanı yetäkse Aydeldinov respublika prezidentı menän kileşmäyensä oşo wazífağa täğäyenlände. "Ural" başqort xalıq üźäge yetäksehe Rif İźänov ihä Mäskäw menän Başqortostan arahında budjet-ara mönäsäbättärźe qaytanan qarap sığırğa saqırźı. Respublikala yıyılğan halımdarźıñ 70-80 prosentınıñ Mäskäwgä küsep torowı menän kileşew mömkin tügel, tine Rif İźänov.

Rif İźänov belderewensä, Başqortostan qaźnahı bına bernisä yıl rättän defitsit menän qabul itelä, Räsäy qaźnahı ihä töbäktär iźäbenä yıldan-yıl źuraya. Respublikalağı barlıq halımdar buşlıqqa kitä, xalıq üź eşeneñ höźömtälären kürmäy, üźäkteñ naźan säyäsäte säbäple, uñaylıqtarźan mäxrüm. Bıl köndärźä törlö säyäsi oyoşmalar ğına tügel, respublika yetäkselege tarafınan da federal üźäkkä qarata yetdi tänqit hüźźärre äytelde. Däwlät yıyılışı - Qoroltay räyese Konstantin Tolkaçev äytewensä, täbiğätte haqlaw ölkähendä federal üźäkteñ säyäsäte eźmä-eźlekle tügel.

Qoroltay räyese äytewensä, respublika parlamentı Däwlät Dumahına wäkälättärźe töbäktärgä qaytarıu turahında möräjäğät itep qarağan. Ämmä barlıq täqdimdär Mäskäwźä yuğalıp qala tine Konstantin Tolkaçev.

XS
SM
MD
LG