Accessibility links

дүшәмбе, 5 декабрь 2016, Казан вакыты 15:42

Rusiä avia tözeleşendäge üzgäreşlär Tatarstan avia sänäğätenä nindi yoğıntı yasar?


Bu könnärdä türälär bäyrämnärne onıtıp, ciñ sızğanıp eşkä kereştelär dip äytergä bula. Tatarstan prezidentı üzeneñ qul astındağılarnıñ mañğay tirlären çığarsa, Rusiä xärbiläreneñ töp başlığı Sergey İvanov Mäskäwdä il xökümäte qarşında oyışqan xärbi- sänäğät komissiäse aldında yalqınlı çığışlar belän oçqıçlar yasawçılarnı, alar belän alış - bireş itüçelärne sügä. Rusiä aviasänäğäteneñ möşkel xäle xaqında Tatarstandağı iqtisat belgeçläre dä borçılıp söyli. Süz bara baruın, İvanovnıñ aviasänäğäteneñ tänqitläwe moña p dälil. Ğädäti xalıq qullana torğan küp urınlı oçqıçlarnıñ urtaça yäşe 18 gä citkän. Rusiäneñ qayber töbäklärendä 30 yäşlekläre dä bar ikän. Alar texnik, ekologik, iqtisadıy yaqtan dönya taläplärenä turı kilmi. İldäge oçqıçlar, borğalaqlar yasawçı zavodlar hawa texnikasın yasawnı nıq kimetkännär. Qayçandır dönyadağı 4 oçqıçnıñ berse qızıl yoldızlı, Rusiä bilgesen yörtkän bulğan, ä xäzer hawa aşa xalıqnı ber urınnan ikençe urınğa taşuçı şirkätlär çit il texnikasın qullanırğa mäcbür bulğannar. “yünlese, bezneñ kesägä suqmıy torğanı monda yuq bit ! - digän alar. Bu oçraqta da xällär şäptän tügel, çit il oçqıçlarınıñ, iskerep tuzğannarı, 10 yıldan artıq eşlägännäre Putin citäklägän ilgä elägä ikän. Şuña da xärbilärneñ töp başlığı Sergey İvanov, Rusiäneke bulmağan qanatlı maşinanıñ yäşe küp bulğan sayın alarğa nalognı kübräk quyarğa digän täqdim yasıy. Yarar, nalogın da salsınnar di, monıñ belän genä Rusiädä oçqıçlarnı kübräk, sıyfatlıraq çığara başlarlar mikän soñ? – dip uylap quyalar xärbilär başlığı süzlären işetkännär. Ä ul isä, xärbi keşe bularaq qanatlı maşinalar mä’säläsen ilne saq texnikası sänäğäten üsterep çişmäkçe bula. Berläşkän aviatözeleş şirkätlären nığıtıp 2015 yılğa dönya bazarına Rusiä oçqıçların 12 protsentqa arttırıp çığarıp bulır dip ömetlänä Sergey İvanov. Utırışta şulay uq aldağı 8-10 yılda qanatlı maşinalar arasında yözek qaşı itep İl-96, Tu-204 oçqıçlarınıñ bilgelilär. Putinnıñ yärdämçese, xärbilär başlığınıñ yalqınlı çığışı Mäskäwdä genä qalmıyça Tatarstannıñ aviatözeleş tarmağına tä'sir itmi qalmas äle di Qazandağı iqtisat belgeçläre. Şuşı uñaydan bez Tatarstan däwlät şurası deputatı, iqtisat, investitsiälär, eşmäkärlek buyınça şöğellänüçe komitet başlığı urınbasarı Röstäm Zakuanov belän aralaşıp aldıq. Anıñ fikerläre bolayraq yañğıradı: - Bügen çınnan da aviatözeleş sänäğäte torğınlıq çorı kiçerä. Yaña model'lär bulsa da tieşençä finanslaw bulmaw säbäple, ber Tatarstan xökümäte genä monı kütärep beterä almıy, bik qimmätle proyektlar bilgele. - Tatarstannıñ şul uq oçqıçlar yasaw buyınça potensialı barmı soñ? - Bez küräbez, buğen inde Qazannıñ borğalaq zavodında eşlängän borğalaqlar böten dönyada tanılu aldı. Dimäk, teläsäk buldıra alabız, tieşençä finanslaw bulsa. Sez Tatarstan däwlät şurası deputatı, iqtisat belän şöğellänüçe komitet başlığı urınbasarı Röstäm Zakuanov fikerlären işettegez. Aqça, tağın şul aqça… Rusiä aviasänagaten 2010 yılğa qädär üster yır öçen genä dä 25 milliard sumğa yaqın aqça kiräk dilär Mäskäwdä, İvanov qatnaşında uzğan, qanatlı maşinalar yazmışın xäl itkän cıyılışta. Röstäm İsxaqov

XS
SM
MD
LG