Accessibility links

җомга, 9 декабрь 2016, Казан вакыты 03:11

Jurnalist Yelena Tokareva Qazanda buldı


Yelena Tokareva Rusiä külämendä küplärgä säyäsätçelärne faş itüçe bularaq mäğlüm. İnde törle basmalarda eşläp çarlanğan älege jurnalist bügen “Stringer” dip atalağan yazu eşe belän şöğellänüçe proyekt belän citäkçelek itä, yäğni zur häm bay keşelär turında xalıqqa işetmägänne işetterä. Yelena Tokarevanıñ bügenge köndä ike kitabı dönya kürde. Tizdän “Kruiz” dip atalğan öçençesen yazarğa cıyına. Ul anda Mäskäwdä yuğarı urınnarda utıruçı säyäsätçelär, törle jurnalistlar, FSB yäğni iminlek xezmäte wäkilläre, törle säyäsi “uyınnar” turında bäyän itä. Bilgele ki, turı äytkän tuğanına yaramağan di, şuña da Yelena Tokarevanı da qurqıtuçılar bulğalıy ikän. Läkin xalıq äledän-äle faş itülärne işetsä dä, tulayım alğanda xakimiät häm bügenge säyäsät belän qänäğät buluın äytä. Rus millätçeläreneñ “Rus marşların” uzdıruları küpçelek xalıqqa yaqın di.

Rusiäneñ Belorussiä, Gruziä häm tağın qayber illär belän mönäsäbätläre bozıluın Yelena Tokareva artqa çigenü dip bilgeläde. Ğomumän küp närsä xäzer qara altın, yäğni neft'kä bäyle buluın häm böten säyäsät şunıñ tiräsendä äylänüen belderde. Yelena Tokareva bügen küp kenä jurnalistlarnıñ da ul yäki bu säyäsätçelär törkemenä kergänen assızıqladı. Oşamağannarın isä yuq itärgä tırışalar. Mäsälän küptän tügel atıp üterelgän Anna Politkovskaya şundıylarnıñ berse. Yelena Toqarewa zamanında anıñ belän ber bülmädä utırğan. Yelena Tokareva:

Jurnalist hönäre şunıñ belän qurqınıç beraz alarğa oşamağança yazsan sineñ östeñä pıçraq atarğa, yarsulanırğa totınalar. Menä Annanı da şulay üterdelär. Ägär sine kürä almağannarın sizsäñ inde ağulawnı köt tä tor. Annanı da başta ağulağannar ide. Ägär Litvinenko keşelärne qıynasa, Anna da, Çiqoçixin da berkemne dä ütermädelär. Jurnalistlarğa üterü belän tügel, ä süz belän cawap birsennär ide.

Yelena Tokareva Anna Politkovskayanı Rusiädä yaratmadılar dide. Ul çit ildä keşelärne yaqlaw üzäkläre belän tığız elemtädä torıp anda añlaw taptı dip belderde. Aleksandr Litvinenkonı üzeneñ elekke xezmättäşläre üterde dip assızıqladı. Yegor Gaydarnı ağularğa tırışuları turında döreslekkä turı kilmi. Gaydarnı yuq itü bügen hiç berkemgä dä kiräk tügel dip assızıqladı.

Landış Xarrasova.

XS
SM
MD
LG