Accessibility links

якшәмбе, 4 декабрь 2016, Казан вакыты 00:51

AQŞ kөçlәreneñ üzәk idarәsenә tәqdim itelgәn yaña citәkçe Ğiraqta yaña strategiәgә çaqıra


Yaqın Kөnçığıştan alıp Kөnyaq Aziәgә qәdәr AQŞ kөçlәreneñ yaña citәklәwçe urınına tәqdim itelgәn admiral William Fallon yaña strategiә Ğiraqtağı wәzğiәtne qotqara ala, әmma uñışqa ireşü өçen AQŞ tiz eş itәrgә tieş dip belderde. Moñarçı Tınyaq Okean tөbәgendәge AQŞ kөçlәren citәklәgәn Fallon yaña wazıyfağa raslanunıñ ber өleşe bularaq sişәmbe kөnne Senatnıñ Qorallı Xezmәtlәr Komitetında çığış yasadı.

Fallon Ğiraqta iminlek saqlawnı ğiraq kөçlәrenә tapşıruğa yañaça qararğa kirәk dide.

"Minemçә, bәlki bez bu keşelәrneñ ul mәsәlәlәrneñ barısın da ber ük waqıtta üz өslәrenә alu mөmkinlegen yalğış bәyәlәgәnbezder. Minemçә bu mәsәlә belәn şөğellәngәn keşelәr, bigrәk tә ilçelәrebez, diplomatlarıbız belәn oçraşıp nәrsәneñ realistik, nәrsәneñ ğәmәli buluın açıqlarğa kirәk. Hәm bәlki bezgә maqsatlarnı beraz üzgәrtep tәrrәqiәtkә ireşü өçen tormışqa aşardayraq eşlәrgә kereşergә kirәkter" dide Fallon.

Fallon moñarçı AQŞnıñ strategiәse Ğiraqtağı ğisyançılarnı bastıruğa kitermәde dide hәm koalitsiә kөçlәrenә ğiraqlılar belәn tığızraq mөnәsәbәtlәr urnaştırırğa kiñәş itte. Xalıqnıñ yanınnan ğına ütep kitü tügel, ә aralarına kerep alarnı qayğırtuıbıznı, iminlek saqlıy aluıbıznı añlatırğa kirәk dide.

2 ay çaması elek Ğiraqnı өyrәnü tөrkeme dip atalğan 2 partiә wәkillәrennәn torğan kongress komissiәse Ğiraqnıñ 2 iñ tәesirle kürşese Süriә hәm İran belәn alarnı Ğiraqta totrıqlılıq urnaştıruğa qatnaştıru turında sөylәşergә çaqırğan ide.

Bush Tәhran üzeneñ atom eşçәnlegen tuqtatmıy torıp anıñ belәn bu turıda sөylәşmiәçәgen belderde. Süriәgә kilgәndә isә Bush anıñ Waşingtonda terrorçı dip sanalğan Hizbullanı yaqlawnı tuqtatırğa tieşlege turında әytep toru kirәk tügel dide.

Qorallı kөçlәr komitetınıñ ber әğzası, demokrat senator Edward Kennedy Fallonnan tөbәktәge diplomatik eşçәnlek Ğiraqta tınıçlıq urnaştıruğa yardәm itәr dip uylıysızmı dip soradı.

Fallon "bez başqalarnıñ uyların hәm ğәmәllәren yaxşıraq añlasaq, minem belüemçә, yalğışu mөmkinlege nıq kimiәçәk. Şuña kürә min monı bik nıq xuplıym" dide.

Şunnan soñ Kennedy İrannı da ul sөylәşülәrdә qatnaştıru mөmkinlege turında soradı. Anısına isә Fallon miña wәzğiәtne yaxşılabraq өyrәnergә kirәk dip cawap birde, şulay da andıy mөmkinlekne kire qaqmawın әytte.

Sөylәşü başında annan komitet әğzalarınıñ sorawlarına açıqça cawap birergә әzermesez dip soralğan ide. Fallon açıqça sөylәrgә wәğdә itsә dә qayber sorawlarğa, әlegә Yaqın Kөnçığıştağı wәzğiәt belәn tieşençә cawap birerlek dәrәcәdә yaxşı tanış tügelmen kebek kenә cawaplar birde.

Şulay da komitetnıñ küpçelek әğzaları Fallonğa xuplaw belderde, hәm Üzәk İdarә başlığı wazıyfasınnan kitәçәk general John Abizaid urınına anıñ tәqdim itelüen yaqlıyaçaqların әytte.

Komitet Fallonnı ul wazıyfağa bilgelәrgә kiñәş itәr hәm Senatta aña qarşı çığuçılar az bulır dip kөtelә.

Naif Aqmal, Praga.
XS
SM
MD
LG