Accessibility links

Кайнар хәбәр

Şäymiev İstanbulğa kilde


Tatarstan Prezidentı Mintimer Şäymiev, çärşämbe kiçendä, Törkiäneñ İstanbul şähärenä kilde. Anda ul “Rusiä-İslam dönyası” dip atalğan strategik küzallaw törkemeneñ öçençe utırışında qatnaşaçaq. Utırış İstanbulnıñ Cevahir kongresslar üzägendä 1nçe fevraldä açıla. Ul 2 kön däwam itäçäk. Tatarstan prezidentı Rusiä häm möselman illärennän kilgän törle cämäğät eşlekleläre, fiker iyäläre, din ähelläre qatnaşaçaq şuşı söyläşülärdä räislek itäçäk. Tatarstan wäkillegendä mädäniät minisrı Zilä Wälieva Tatarstan möftie Ğosman xäzrät İsxaqi da bar. Utırışta Mäskäwdän Üzäk Rusiä möselmannarı möftie Rawil xäzrät Ğaynetdin, Tübän Novgorodtan Rusiä prezidentınıñ İdel buyı federal bülgesendäge wäkile Aleksandr Konovalov , Brusseldän Qırğızstannıñ Benelux illärendäge ilçese, yazuçı Ğınğız Äytmätov ta qatnaşaçaq.
XS
SM
MD
LG