Accessibility links

дүшәмбе, 5 декабрь 2016, Казан вакыты 01:20

Çallı belgeçlären Mäskäw üzenä çaqıra


Aldağı tapşıruda KamAZ generalı Sergey Kogoginnıñ AvtoVAZ şirkäten citäkläw täqdimennän baş tartuın äytep kitkän idek. Şuña da qaramastan, şähärdä räsmi bulmağan mäglümätlär buyınça, "Rosoboroneksport" tarafınnan Sergey Kogoginga şuşındıy uq täqdim qabat yasalırğa mömkin. Çönki, AvtoVAZ generalı känäfie älegä qädär buş tora häm şuşı şirkät xucaları Kogoginnı çaqırıp kiterügä ömetlären özmägännär. Mäskäw tarafınnan Çallığa tağın ber yaña täqdim yasaldı, bu yulı KamAZ futbol komandasınıñ general' direktorı häm baş trenerı wazıyfaların başqaruçı Yuri Farzun ulı Gazzaevqa. Aña futbol buyınça Rusiä yäşlär cıyılma komandasınıñ baş trenerı urının birü xaqında räsmi möräcäğät bula. Läkin, Rusiä Futbol Şurası täqdimen Yuri Gazzaev kire qaqtı. Bu xaqta maxsus matbuğat konferensiäsendä äytelde. "Min üzemneñ bügenge eşemdä qalu häm Rusiä yäşlär cıyılma komandasın citäkläw turındağı täqdimnän baş tartu turında qarar qabul ittem,"-dide Yuri Farzun ulı. Çallı futbolçıları KamAZ iseme belän Rusiä çempionatınıñ 1нче divizionında çığış yasıylar häm soñğı berniçä yılda premyer-ligaga çığu öçen köräş alıp baralar. Läkin älegä qädär maqsatları tormışqa aşmadı. Şuşı uñaydan YU.Gazzaev üz fikeren belderde:

-Cıyılma komandanıñ baş trenerı bula qalğanda, minem urınğa kilgän keşeneñ minem eşne däwam itüe kiräk.Şuña, başlanğan eşemne axırğa citkermiçä, kitä almıym.Premyer- ligaga çıqsaq, anda layıqlı komanda bulabız, dip ışandırdı Gazzaev.Anıñ äytüençä, Rusiä yäşlär komandasın da , "KamAZ"da da uñışqa garantiä yuq.

Söyläşü barışında komandanıñ bıyılğı sezon uyınnarına äzerlekneñ barışı xaqında äytelde. KamAZ futbol klubına Bosniä häm Gersegovinadan, Rusiäneñ Tübän Novgorod, Krasnoyarsk, Mäskäw, San-Peterburg häm Maxaçqala komandalarınnan uyınçılar çaqırılğan. Bıyılğı sezonda Çallı öçen Başqortstan, Stärletamak şähärennän dä yegetlär uynayaçaq. Läkin barlıq çaqırıluçılar arasında tatar milläten çağıldırğan ber genä familiä dä yuq. Xäyer, KamAZnıñ üz uyınçıları arasında da tatarlar kürenmi. Şulay da soñğı ike yılda canatarlar Röstäm Kälimullinnıñ KamAZ öçen uynawın belälär. 2005 yılğı näticälär buyınça, Röstäm berençe divizionda ike tup kertkän futbolçı ide. Baş trener YU.Gazzaev äytüençä, R.Kälimullin soñğı waqıtta yalqawlana başlağan häm komandadan çığarılğan. İnde, Yuri Ğazzayıvnıñ SSQA futbol komandası baş trenerı Valeri Gazzaev belän tuğanlıq-qardäşleklärenä kilgändä, alar yıraq tuğannar ikän.

Ğafiulla Ğaziz, Çallı

XS
SM
MD
LG