Accessibility links

Кайнар хәбәр

Bağdadta şartlaw: kimendä 80 keşe ülde


Ğiraq başqalasınıñ äs-Sadriä isemle, şığılar küpläp yäşägän bistäsendä bazar yanında yök maşinası şartlap kimendä 80 keşe häläk buldı, 150gä yaqını yaralandı. Şartlaw – bazar yabılğan säğätlärdä, kiçkä qadär satu eşlären beterer öçen iñ küp xalıq cıyılğan waqıtta bulğan. Ğiraqnıñ tönyağındağı Kirkuk qalasında bügen berniçä maşina şartladı. Kimendä 2 keşe häläk buldı, 30ğa yaqını yaralandı. Ziyan kürüçelärneñ kübese – tınıç xalıq häm polisiä xezmätkärläre. Bağdad yanında isä amerikan xärbi köçläre boralağı häläkätkä oçrap anda bulğan ike amerikan xärbie häläk buldı. Bu – ike atna eçendä häläkätkä oçrağan inde dürtençe amerikan boralağı.
XS
SM
MD
LG