Gruziä başqalasında comğa könne Gruziä häm Amerika Quşma Ştatları arasında, atom häm radioaktiv maddälär belän röxsätsez säwdä itügä qarşı xezmättäşlek turında kileşü qabul itelde. Anı Gruziä yağınnan tışqı eşlär ministrı Gela Bejuaşvili häm AQŞnıñ Gruziädäge ilçese John Tefft imzaladı. Uzğan atnada Gruziä, bıltır ber Rusiä watandaşınıñ Gruziä xökümäte agentlarına atom qoralı yasarlıq däräcädä bayıtılğan uran satu waqıtında qulğa alınuı xaqında xäbär itkän ide.
