Accessibility links

шимбә, 10 декабрь 2016, Казан вакыты 13:56

Çallıda maşina citeşterü arta


Rusiädä iñ ere avtomobil' şirkäte sanalğan KamAZ 2000 nçe yılğa qädär tabış almıyça eşläp kilde. Yäğni maşina satqan aqçalar xezmät xaqı tüläwgä, sotsial' mäsällärne xäl itügä häm başqa yünäleşlärgä sarıf itelep bardı. 2003-2004нче yıllarda şirkät berniçä million sum tabışqa eşläde. Ä menä uzğan yıl kompaniäneñ çista kereme 1,4 milliard sum täşkil itkän. Bu xaqta uzğan atna azağında, 2006 nçı yılğa näticälär yasaw buyınça korporotiv kiñäşmädä äytelde. Citeşterelgän avtomobil'lär sanı 43 700 danägä citkän. Azmı bu, küpme? Çağıştırıp qaraw öçen, korporotiv kiñäşmädä äytelgän sannardan beraz çitkäräk kitep, 1988 nçe yılğa küz salıyq. Şuşı yılnı KamAZ 127 000 meñgä yaqın avtomobil' cıydı häm bu anıñ öçen iñ yuğarı kürsätkeç bulıp qala. Şunısı da qızıqlı, ul çaqlarda maşina alırğa kilüçelär atnalar, aylar buyına kunakxanälärdä, Çallıdağı tuğannarında çirat kötälär ide. Kesä tulı aqça belän. Döres, ul yıllarda KamAZ Sovetlar Soyuzınıñ 15 respublikasın, distädän artıq sotsialistik lager' illären üz produktsiäse belän tä'min itep tordı. Ütkän yıllar belän qızıqlı ğına çağıştıru. 1988нче yılda, 127мең KamAZ cıyğanda, berläşmädä 125 meñ çaması keşe eşlägän. Uzğan yıl 43мең avtomobil'ne cıyuda 51мең keşeneñ köçe kergän. Bügen biredä näk şul çama eşçe häm xezmätkär eşli.

2007 nçe yılğa KamAZ yuğarıraq maqsat quya: 49200 maşina citeşterü. Şulay da, räsmi bulmağan mäglümätlär buyınça, şirkät citäkçelege bu sannı bäyän itkändä, 50 meñ avtomobil'ne küz uñında tota. Şuşı uñaydan berläşmäneñ general' direktorı Sergey Kogogin bolay dide: tovar külämen arttıru üzmaqsat tügel. Tabış alu belän bergä, bazar mönäsäbätlärenä qädär bulğan äräm-şäräm itü kebek fikerläwne qabergä kümü, üz-üzeñne saqlap qalu turında da süz bara. Anıñ fikerençä, dönya bazarında wäzğıät tamırdan üzgärde: Awropa illärendä häm Amerikadağı avtomobil' sänägendä citeşterü kimi. Bazarlar kön'yak häm könçığış Aziä illärendä eşlängän oçsız maşinalar belän tula. Mondıy şartlarda tağın ber yağılırğa xaqıbız yuq, - di KamAZ şirkäte citäkçese.

Ğafiulla Ğaziz, Çallı

XS
SM
MD
LG