Accessibility links

шимбә, 3 декабрь 2016, Казан вакыты 18:48

Bişkäktä qırğız yäşlär uram cıyını oyıştırdı


Qırğızstandağı Üzbäkstan ilçelege qarşında bügen 20läp keşe qulğa alınğan keşe xoquqları aktivistların azat itü taläbe belän uram cıyını uzdırdı. Xalıq Ümidä Niyazova häm Motabar Tajiboevanı irekkä çığarunı, xökem eşen tuqtatunı taläp itte. Watandaşlar Platforması dip atalğan xökümättän bäysez oyışma yulbaşçısı Alişer Mamasaliev, Azatlıq radiosına, böten Üzäk Aziädä süz iregenä qurqınıç yanıy, dide: " Qırğız yäşläre wäkilläre Üzbäkstan ilçelege qarşına, anda xökem itelgän keşe xoquqları aktivistlarına teläktäşlek yözennän cıyıldı. Bez moña qarşılıq belderep, bügenge köndä Qırğızstanda da şul uq xäl, süz irege ölkäsendä artqa kiteş bar, dibez. Bu – böten Üzäk Aziä illärenä işärä. Bu çara belän bez, bu töbäktä süz irege qurqınıç astında dip äytergä telibez." Niyazova, tıyılğan Äkrämiä islam törkeme belän bäyläneştä buluda ğäyeplänep dikaberdä qulğa alınğan ide, Tojiboeva isä uzğan yıl iqtisadi cinäyät qıluda ğäyeplänep törmägä xökem itelde.

XS
SM
MD
LG