Accessibility links

якшәмбе, 11 декабрь 2016, Казан вакыты 05:20

“Tatarlar” törkemenä xökem çığarıldı


6 fevral, sişämbe könne, “Tatarlar” ginayätçel törkeme äğzalarınıñ yazmışı xäl itelde. Yalğışabız axırı, törkemneñ isemen başqaça da atarğa bulır ide. Nik digändä. Törkem äğzalarınıñ yartısı diärlek başqa millät wäkilläre. Mäxkämä utırçı barışında Töp tatar Miraşniçenqoğa 24 yıl da 6 ay törmä cäzası birelde. Ä törkemdä annanan da östen torğan Lazarevqa, küptän tügel genä totılu säbäple, xökem äle bilgele tügel. Törkemneñ öçençe liderı ğına Axmetov tatar, keşese. Ä barıber dä törkem isemen “Tatarlar” dibez. Respublika matbuğat, radio televideniese dä monı inqar itmi. İğtibarığızğa ber misal täqdim itäbez.

Bügen Tatarstan yuğarı sudında “Tatarlar” cinayätçel törkeme äğzalarına qarata xökem qararı çığarılırğa tieş. Tübän Qama territoriäsendä eş itkän bandanıñ isäbendä 13 keşe ğömere, monnan törkem talaw, urlaw, pritonnar oyıştıru häm banditizmda gaeplänä.

Respublika Massaküläm Mäğlümat çaraları soñğı arada bu temanı nıq quyırttı. Küp basmalarda bigräk tä rus telendägelärdä, cinayätçel törkem digänne töşerep qaldırıp, Tatarlar dip kenä dä yazğan , ällä milli tösmerme? Bu sorawğa “Watanım Tatarstan” gäcite baş möxärrire Miñnazıym Säfärov uylanuların täqdim itäbez.

Süz uynatuda jurnalistlardan uzdıruçı yuq, şuña kürä monda süz uynatuğa ğına qaytarıp qaldıru döres tügel. Ber qullanırğa,ike qullanırğa bula, läkin, tulı ber millätkä tösmer birä başlağaç,tulı ber xalıqnı ğayıplärgä urın qaldırğaç,dörestän dä, normal keşedä soraw turğa tieş, döres mikän soñ bu digän. Süzne bik uynatası kilä qaywaqıtta, läkin anıñ töbendä nindi säyäsi tösmer, milli tösmer ikänen uylıysın başta. Çönki ul bit äle kem qullanuına qarap. Yarıy äle tatarlar dip tatar keşese üzenä qarata qullansa,ber märtäbä, ike märtäbä, anda añlarğa bula, läkin qaywaqıt anı bik yış qullanu häm telgä kertü telägen sizsen menä açu kilä başlıy. Menä şundıy açu kilü däräcäsenä citkergändä miña qalsa keşe cawap birergä tieş.

Tatarstan prokuraturıysı bülek prokurorı Ägliullin Robert beldergänçä älege törkemgä küp kenä waq törkemçälär cıyılğan. Alar arasında Lazerevlıylar, Arovskiylar, Desyatniki, Xanovskie, Desyatniki kebekläre bulğan. Bu fikerne şulay uq ber ğayıplänüçeneñ änise dä rasladı.

Anda saqal tübätäy belän ber malay utıra. Min anı törmädä genä islam qabul itkän dip uylağan idem, yuq ikän, ul härçaq şulay ikän, quşamatı möselman ikän. Ä mineke, tridsatşnik, Semenovskiy, tatarlarğa bernindi qağılışı yuq.

Kire mäxkämä utırışına qaytsaq, ğomumän alğanda, cäza waqıtları 4 yıldan alıp 24 yılğa xätlek. Törkemneñ kükçelek äğzalarına 10 yıl tiräse törmä cäzası birelde. Ğayıplänüçelärneñ ata-anaları isä xökem qararı belän kileşmi. Azatlıq radiosına alar bu turıda menä ni dip belderde.

Kergäç tä prigovor uqi başladılar. Ayratqa 10 yıl. 19 yıl 16 yıl tügel älbättä, läkin barıber Rusiä yuğarı sudına biräçäkbez. Bezneñ sud ne dom pravosudiä a durdom Yerşovskiy.

Advokatlar üz çiratında şulay uq mäxkämä qararı belän kileşmi. Üzläreneñ aldağı eş-plannarın Azatlıq radiosına ber ğayıplänüçeneñ advokatı bolay dip belderde.

Bez älege eşne qararlar nigezendä, Rusiäneñ yuğarı mäxkämäsenä yullıyaçaqbıç. Älege oçraq Tatarstan mäxkämäse öçen bik möhim. Çönki bu eş aşa 210 mäddaneñ eksperimentı bara. Eş barışında ğayıplänüçelärneñ, alarnıñ tuğannarınıñ xoquqları bozılğan. Älege kimsetelgän keşelär mäxkämägä möräcäğät belän çıqqan ide. Utırış barışında, älege möräcäğätlär kire alındı dielde. Läkin min alarnıñ bersen dä kürmädem.

Bügenge köndä “Tatarlar” cinayätçel törkemneñ qayber äğzaları äle haman da irektä. Tatarstan ygarı mäxkämäse xezmätkärläre alarıda tiz arada, totılır häm xökemgä tartılır dip belderde.

Ğädel Galämetdinov

XS
SM
MD
LG