Qıtaynıñ Hawa Torışın Küzätüçe oyışma başlığı Qin Dahe, Qıtay dönya klimatınıñ cılınuına täsir itkän qazılma yağulıqtan baş tartırğa cıyına, dip belderde. Ämma Qıtaynıñ çistaraq yağulıqqa küçüenä äle waqıt kiräk, dide ul: "Qayber başqa illär kebek, Qıtay neftkä bay tügel. Bezneñ yağulıqnıñ töp çığanağı – kümer, 69%nı täşkil itä. Kümer çista tügel. Qıtayda iqtisadı häm xalıq sanı tiz üskän ber il, şuña kürä aña energiä tözeleşen üzgärter öçen ozın yulnı ütäse bar." Qıtay dönyada yağulıq öçen iñ küp kümer qullanuçı il häm kiläse 10 yılda, yapma täsire birüçe gazlar mäsäläsendä AQŞnı da ütep kitep berençe urınğa çığaçaq dip farazlana.
