Accessibility links

якшәмбе, 11 декабрь 2016, Казан вакыты 01:26

Lukaşenka: Könbatış Belarusnı añlamıy


Belarus prezidentı Alyaksander Lukaşenka Rusiä belän yağulıq bäyäläre bäxäsendä yuğaltqan 5 milliard dollarnı kire qayrataçağın belderde. Reuters mäğlümat agentılığına birgän siräk äñgämäläreneñ bersendä, sişämbe könne Lukaşenka, Rusiäneñ gaz öçen bäyälären ike märtäbä arttıruın – "wäxşilek" dip atadı: "Bezneñ iqtisad bäyälär artuına çıdıy ala. İñ borçığanı ruxi yağı– bezneñ berektäşebezneñ şundıy adımğa baruı. Bigräk tä bezgä häm xalqıbızğa iñ yaqın bulğan berektäşebezneñ bu ğämäle waxşilärçä buldı. Belaruslar häm ruslar – ber ük millät diärgä bula. Alar ber ük millät. Alarnı ayıru bik awır." Belarus citäkçese Rusiäne üzen elekke sovet respublikaları aldında östen däwlät itep quyuda täñqitläde, ämma Rusiä belän kiläçäktä dä xezmättäşlek itü telägen belderde. AQŞ häm Yevropa Berlegenä Lukaşenka oppozisiägä yardäm itüläre öçen täñqit belderde, könbatış Belarusnı ber qayçan da añlamadı, dide.

XS
SM
MD
LG