Accessibility links

шимбә, 3 декабрь 2016, Казан вакыты 05:42

Tömän ölkäse Uray şähäre tatarları


Tömän ölkäsendä Uray şähäreneñ tatar-başqort “Duslıq” ictimaği oyışması menä inde dürtençe yıl eşläp kilä. Ul 2003 yılnıñ 13 mayında eşli başlağan ide. Anıñ räise Rida Fayzieva. Alar eşne berençedän Federal' milli-mädäni möxtäriätneñ ustavın öyränüdän başlağannar. Anıñ üzgärtelgän matdälären cirle citäkçelärgä citkerüne dä küz aldında totalar. Şulay uq Tömändäge Uray şähäreneñ “Duslıq” oyışması tatar-başqort telendä belem birüne däwlät standartına kertep qaraw täqdimen kertä. Menä äle küptän tügel genä Uray şähärendä ölkä külämendä ütkän zur konferensiädä “Duslıq” oyışmasınıñ da qatnaşuı turında da, anda Xantı –Mansi okrugınıñ törkemnäre belän niçek duslaşıp, aralaşuı turında da Rida Fayziea söyläde.

“ Bu konferensiädä “Duslıq” oyışmasınnan 10 keşe qatnaştı. Bezneñ oyışmanıñ çığışı da tıñlandı.”

Şulay uq “Duslıq” oyışmasınıñ räise Rida Fayziewa üzläreneñ oyışmasınıñ niçek eşläwe, aldağı könnärdä nindi plannar belän yäşäwe turında da söyläde.

Yubiley kiçäläre ütkäräbez. Tatarstannan notalar alıp qayttıq, muzıka mäktäplärendä uqığan tatar balaları häm alarnıñ ata-anaları belän bergä balalarnı säxnägä çığarırğa äzerlibez. Külmäklär , qalfaq- tübätäylär tegep kideräbez. Balalarnıñ küñelläre üsep milli köylärgä biilär , cırlar öyränälär. Yärdäm itüçelärebez dä bik küp . Alar bulmasa, mondıy zur tantanalarda qatnaşa almas idek.”

Tömän ölkäsendä “Duslıq” oyışması tatar häm başqort tellärenä öyrätü programmaların häm şulay uq xalıqlarnıñ tarixın, mädäniäten häm balalarnı xalıq hönärlärenä öyrätüne Tömän ölkäseneñ däwlät häm Uray şähäreneñ munitsipal' orğannarınıñ belem birü standartına kertügä ireşä. Alar tatar һәм başqort xalqınıñ mädäniäten propagandalawda zur festival'lärdä dä bäygelärdä dä, törle kürgäzmälärdä dä qatnaşalar. “Ölkä, şähär citäkçeläre belän bergä kiñäşläşep, bu mäs’äläne çişüdä uñışlarğa ireşäbez”,- dide Rida Fayzieva.

Aldağı könnärdä alarnıñ eşçänlege turında xäbär itep torırbız äle.

Mälikä Basıyr

XS
SM
MD
LG