Accessibility links

җомга, 9 декабрь 2016, Казан вакыты 03:06

Tatarstanda Şveytsariä wäkilläre


Pänceşämbe könne Mintimer Şäymiev Qazan Kirmänendä Şveytsariä wäkillären qabul itte. İlbaşı Şveytsariäneñ köndäşlekkä sälätle il bularaq dön'yaküläm tanılğanın bilgeläp uzdı. Ä Şveytsariäneñ Rusiädäge wäqälätle wäkile Ervin Xofer isä Tatarstannıñ qısqa waqıt eçendä ireşelgän uñışına, säyäsi totrıqlılığı, respublikada dinnär arasındağı tolerantlıqqa ğäcäplänüen belderde. Uzğan yıl dekaber ayında Syurixta ütkän iqtisadi forumda Tatarstan üzen barı yaxşı yaqtan ğına kürsätte. Qazanğa kilü dä xezmättäşlek öçen yaña mömkinleklär açtı",– dide Ervin Xofer jurnalistlarğa birgän äñgämäsendä. Ul şulay uq bıyıl may ayında Qazanda uzaçaq Yevropa üseş häm tözekländerü bankınıñ yıllıq cıyınına kiläçägen iskärtep, 15 oktäberdä uzaçaq Rusiä–Şveysariä biznes–sammitın oyıştırğanı öçen Tatarstan citäkçelegenä räxmäten belderde.

XS
SM
MD
LG