Accessibility links

шимбә, 10 декабрь 2016, Казан вакыты 11:59

Dilmöxämätovqa xökem qararı kire qarala


Başqortstan oppozitsiäse wäkilläreneñ berse, Başqort milli xäräkäte citäkçeläreneñ berse Ayrat Dilmöxämätovqa qarata Ufanıñ Kirov rayonı mäxkämäse uzğan yılnıñ may ayında xökem qararı çığarğan ide. Anda Ayrat äfände respublika xakimiätlären naxaq ğäyepläwdä häm alarnı köç qullanıp bärep töşerügä çaqıruda ğäyeplände. Mirovoy sud'ya Räsimä Nasıyrovanıñ qararına yaraşlı, Ayrat Dilmöxämätov şartlı räweştä ber yılğa iregennän mäxrüm itelgän ide ul çaqta. Ämma öç yıl sınaw möddäte şartı belän genä şundıy yomşaq xökem qararı çığarıluı äytelde ul qararda.

Törmä cäzası birelmäsä dä, Ayrat Dilmöxämätov ul mäxkämä qararınnan soñ da üzen bötenläy dä ğäyepsez sanawın belderde häm anı kassatsiä yulı belän kire qarawnı taläp itäçägen äytkän ide. Häm menä iñ soñğı yañalıq. Başqortstan Yuğarı mäxkämäse Ayrat Dilmöxämätovnıñ kassatsiä şiqayäten qänäğätländergän häm, bu eşne kire qaraw öçen, Ufanıñ Kirov rayonı mäxkämäsenä kire qaytaru turında qarar qabul itkän. Bu eşne xäzer yaña sud'yalar tikşeräçäk ikän.

Fänis Fätxi, Ufa

XS
SM
MD
LG