Accessibility links

якшәмбе, 11 декабрь 2016, Казан вакыты 01:25

Kosovo söyläşüläre 21 fivral başlanaçaq


Serbiä prezidentı Boris Tadiç üteneçe nigezendä Kosovonıñ kiläçäk statusı turındağı söyläşülär ber atnağa kiçekterelgän. Tadiç ildä yaña parlament cıyıluın kötüne sorağan. Bu mäğlümatne BMO wäkile Martti Ahtisaarinıñ urınbasarı Albert Rohan rasladı, häm söyläşülär 21nçe fivraldä başlanaçaq, dip belderde. Älege söyläşülär, BMOnıñ – Kosovoğa kiñeräk avtonomiä birü täqdime turında bulaçaq. Ul arada Rusiä saqlanu ministrı Sergei İvanov, Kosovoğa bäysezlek birü – ayırılırğa telägän başqa töbäklär öçen qurqınıç misal bulaçaq, dip belderde. "Kosovo bäysezlek aldı di, şunnan soñ räsmi tanılmağan töbäklär – bez alardan närsäse belän naçarraq? diäçäk. Bu elekke sovetlar cirenä, läkin aña ğına tügel, ğömämän, böten Yevropağa da qağıla. Bu çılbır reaksiäse tudıra ala, başqa törle äytkändä, bez Pandora tartmasın açmıyq." Romaniä häm Xorvatiä, BMO planın tulısınça xuplawların häm, bu adımnıñ töbäktä totrıqlılıqqa kitäräçägenä ömet belderde.

XS
SM
MD
LG