Accessibility links

дүшәмбе, 5 декабрь 2016, Казан вакыты 11:27

Duma Tatarstan belän Rusiä arasında wäkälätlär büleşü kileşüen rasladı


9 fevral Tatarstan respublikası belän Rusiä Federätsiäse arasında wäkälätlärne büleşü turındağı kileşü Däwlät Dumasında qabul itelde. Säğät yarım barğan çığışlarda küpçelek deputatlar bu kileşügä qarşı çığış yasasalar da, näticädä 110 deputat qarşı buluın, 306 deputat bu qararnı xuplawın belderdep tawış birde. Tatarstan respublikı belän Rusiä federätsiäse ararsında wäkälätlärne çikläw kileşüe xaqında töp xisap belän Rusiä prezidentınıñ Däwlät Dumasında tulı wäkälätle wäkile Aleksandr Kosopkin çığış yasadı. Östämä xisap öçen süz Federätsiä eşläre häm töbäk säyäsäte qomitetı räise Viktor Grişinğa birelde. Alar ikese dä bu kileşüneñ urınlı häm konstitutsiä nigezendä tözelgänen raslap çığış yasadılar. Bu kileşü nigezendä Rusiä Federätsiäse xökümäte häm Tatarstan respublikı iqtisad, eqoloğiä, mädäniät belän bäylängän mäsälälärne bergäläp çişü qarala. Şulay uq, Tatarstan respublikası bu kileşü nigezendä xalıqara, tışqı iqtisad kileşülären yasar öçen dä wäkälätlärgä iä bulaçaq.

Däwlät Dumasında bäxäslär bik köçle bardı. Kommunistlar fraksiäse wäkile, bez Tatarstanğa da, Tatarstan xalqına da qarşı tügel, läkin bu qararğa qarşı kiläbez, şuña kürä kommunistlar partiäse qarşı tawış biräçäk dide.

Xattä Däwlät Duması cıyılışın alıp barğan Oleg Morozov ta ul partiäneñ isemen döres itep äytä almağan Rodina fraksiäse häm Rusiä patriotları partiäse wäkile Sergey Glotovnıñ Tatarstanğa qarşı çığış yasap, tawışları qarlığıp bette. Ul üz partiäseneñ bu qararğa qarşı buluın belderde. Annan soñ çığış yasağan deputat Vladimir Rıjkov: “Bez Rusiä federätsiäse konstitutsiäsen üzebezgä kiräk cirennän genä uqıybız. Ä anda “bez Rusiäneñ küp millätle xalqı” dip yazılğan. Üzlären patriot dip atağan bu kileşügä qarşı çıqqan deputatlar, kiresençä, Rusiäneñ berdämlegenä qarşı çığuçılar, dide Vladimir Rıjkov. Häm bu kileşüne xuplawın belderde. Ä inde deputat Makarov ğomümän, çığışın tatar telendä “Xörmätle iptäşlär” dip başladı. Häm tatarça endäşüem belän qaysığıznı mısqıl item soñ, dide. Ägär dä kileşü dide ul, ike teldä rus häm tatar tellärendä yazılğan buluı kemgäder oxşamıy ikän, bälki alar bu kileşüne ingliz telendä kürergä telilärder, dide deputat Makarov.

Däwlät Dumasında Tatarstan deputatı İldar Ğilmetdinov bu kileşüne qabul itü bäxäslärenä tuqtalıp: “Qarşı çığış yasawçılar berse dä töple arğument kiterä almadılar. Andıy kileşülär soñğı arada ğına Magadan, Altay, Krasnodar, Tomski ölkäläre belän tözelde inde. Qanun yağınnan qarağanda da, konstitutsiä nigezendä dä Tatarstan mondıy kileşülär tözärgä xaqlı, şunıñ öçen dä ul bügen qabul itelde, dide İldar Gilmetdinov.

Näzifä Kärimova, Mäskäw
XS
SM
MD
LG